DILI, STLTIMORLESTE.com – Maske universidade iha Timor Leste (TL) kada tinan produs graduadus, maibe realidade kampu trabalhu kontinua menus no graduadus barak la hetan servisu.
Lia hirak nee hatoo husi Joaquim Martins da Costa hanesan Graduadu husi Universidade Nasional Timor Lorosae (UNTL), Fakuldade Ekonomia dehan, kada tinan universidade sira sempre halo graduasaun ba finalista neebe remata ona sira nian estudu, maibe too agora TL menus kampu trabalhu, atu absolve graduadus hirak nee oinsa governu iha planu bele loke kampu trabalhu ba joven sira.
“Ita nian kampu trabalhu menus no ita nian graduadus barak remata tiha estudu, too agora balun seidauk servisu no barak ba servisu iha rai liur hodi bele hadia moris, nee duni ita nian Governu mak presiza loke kampu trabalhu ba ita nian joven sira,” dehan Joaquim ba STL, Sabadu nee (10/01/2026).
Iha fatin seluk ,Diretor Ezekutivu TLCE, Jose Monteiro dehan, los duni too agora graduadus barak mak seidauk hetan servisu no balun ba servisu iha rai liur, tanba iha rai laran nee menus kampu servisu, tanba ho kampu servisu neebe mak menus halo graduadus barak sai ba servisu iha rai liur.
“Los duni too agora ita nian graduadus barak mak seidauk hetan servisu no balun ba servisu iha rai liur, tanba iha rai laran nee menus kampu servisu, tanba ho kampu servisu neebe mak menus halo graduadus barak sai ba servisu iha rai liur,” nia afirma.
Nunee mos Reitor ISC, Sebastião Perreia dehan, universidade prepara deit ema, agora liga ba menus kampu trabalhu nee governu mak bele loke kampu servisu ba graduadus hirak neebe hotu ona estudu iha universidade, bainhira too tinan termina ona, nee sira hahu halao graduasaun.
(jac)
