DILI, STLTIMORLESTE.com – Ema idak-idak presiza arepende no husik ego foti aan sira, nunee bele tuir Jesus nia bolu, moris tuir ukun fuan.
Padre Richardo Pasang SVD ba STL Segunda nee (12/01/2026) hatete, hahalok devosaun sira hodi devosaun loron badak.
Padre dehan, Leitura Evanjelhu ohin nian husi Saun Markus 1:14-20 haktuir kona-ba Jesus nia bolu ba dixípulu dahuluk sira, Simão no André, nomos Tiago no João. Pontu xave balu ba reflesaun ohin.
Padre dehan, bolu atu tuir Jesus, Jesus bolu sira ho liafuan simples, mai tuir hau. Sira laos deit husik sira nia servisu nuudar peskador, maibe mos husik sira nia família no sira nia moris uluk nian. Ida nee hatudu sira nia vontade atu husik buat hotu no tuir Jesus.
“Arependimentu no vontade, Jesus nia bolu mai ita mos bolu ida ba arependimentu no vontade. Ita hetan bolu atu husik ita nia ego no hakarak sira, no tuir Jesus ho fuan nakloke. Hanesan Simão no André, ita mos tenke prontu atu husik buat hotu no tuir Jesus,” Padre Richardo.
Padre dehan, reflesaun ohin hanorin ema oinsa halo arependimentu ba hahalok arogansia no foti aan sira, nunee bele moris tuir ukun fuan Maromak nia, katak hadomi malu, perdua malu, tuir Maromak nia hanorin sira.
“Hau abandona ona hau-nia ego rasik no hakarak atu tuir Jesus, hau prontu atu husik buat hotu hodi tuir Jesus, oinsa hau bele hatan Jesus nia bolu iha hau nia moris loron-loron,” katak Padre.
Iha biban nee bibi atan kreda Katolika nafatin harohan ba Jesus atu hadook hahalok aat no arogansia hotu. “Orasaun Nai, tulun hau atu husik hau nia ego no hakarak sira, no tuir Ita-boot ho fuan nakloke. Amen,” hakotu Padre.
(eme)
