DILI, STLTIMORLESTE.com – Primeiru Ministru (PM), Kay Rala Xanana Gusmão hatete, Governu foti osan milhaun US$ 4.5 husi Orsamentu Jeral Estadu (OJE) 2026 hodi selu salariu desimu terseiru ou salariu 13 ba funsionariu sira nee laiha implikasaun.
Primeiru Ministru Kay Rala Xanana Gusmao hatoo kestaun nee ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (15/01/2026).
Governu foti osan milhaun US$ 4.5 hodi selu ba salaiu mensal no salariu desimo terseiru, ho ida nee Komisaun C iha Parlamentu Nasional preokupa katak, ida nee sei fo impkatu ba iha programa sira neebe mak implementa iha 2026, hatan ba kestaun nee Primeiru Ministru dehan bele maibe husu ba Komisaun C dehan kuandu presiza Governu lori orsamentu retifikativu ba aprova, buat sira nee hotu mai husi kotuk, tanba nee Primeiru Ministru hakilar Ministru sira tanba sa sai nunee.
“Grade opsaun do planu karik laiha problema osan husi projetu sira be la hotu nee ita hasai husi neeba tau mais tuir lei labele, tanba nee mak selu agora ita foin iha Janeiru keta husi komisaun C sira mos la simu karik,” dehan Primeiru Ministru.
Primeiru Ministru Kay Rala Xanana Gusmão dehan, ida nee tanba rekruta funsionariu barak demais maske balun servisu foin fulan rua no tolu mos simu hotu salariu desimo terseiru.
“La simu nee laos tanba lakohi fo osan, tanba kada instituisaun mak la hatudu didiak dadus iha 2024 atu tau osan iha 2025 nia problema mak ida nee, maibe halo buat aat nia nee abitua tiha too Setembru ita rekruta tan ema too Novembru ita rekruta tan ema nee foin servisu fulan ida ho balun presiza ona gaji 13,” katak PM.
Signifika katak hasai milhaun US$ 4.5 hodi selu salariu mensal no salariu desimu terseiru ba funsionariu sira nee laiha implikasaun ba ezekusaun OJE 2026, nia hatan ba kestaun nee Primeiru Ministru dehan foin hahu.
“Ita foin hahu ohin, hau dehan ami hasoru Prezidente Autoridade Munisipais hau dehan urjente tebes atu halao agora merenda eskolar, ita foin iha fulan Janeiru implika halo nusa,” katak PM.
Implikasaun tanba orsamentu milhaun US$ 4.5 foti husi Orsamentu Jeral Estadu 2026, karik ida nee bele fo implikasaun ba programa sira, hatan ba kestaun nee Primeiru Ministru dehan foin fulan Janeiru.
“Hau husu ba senhor neeba dehan nunee, imi rona ona katak iha orsamentu retifikativu ka lae? Se karik implika too Julhu ita haree ba ita husu tau tan osan iha neeba nee ga lae, tanba nee mak hau mos dehan katak karik mak VIII Governu nafatin laiha problema tanba osan husi bem servisu karik osan husi kapital menor kapital dezenvolvimentu hasai selu deit, ami tuir regra nee mak hmhm,” dehan PM.
Foin lalais Governu liu husi Konselhu Ministru deside preve orsamentu ho montante milhaun US$ 4.5 hodi halo pagamentu ba salariu desimu terseiru iha fulan Janeiru.
(eme)
