DILI, STLTIMORLESTE.com – Iha tinan 2025 husi Komisaun Anti Korupsaun (KAK) rejista denunsia hamutuk 84, husi numeru nee konklui ona investigasaun hodi haruka auto hamutuk 18 ba iha Ministeriu Publiku (MP).
“Hau hakarak hateten ba ita boot sira denunsia neebe rejista iha tinan kotuk 84, ekipa ida atu halo analiza ba iha denunsia sira nee nain sia (9), inklui ho xefi unidade seidauk tan ho servisu sira seluk, entaun presiza tempu atu finaliza prosesu averiguasaun sira nee,” dehan Diretor Investigasaun KAK, Jose Verdial ba jornalista sira iha Farol, Kuarta (21/01/2026).
Nia hatutan, husi rezultadu averiguasaun ba iha denunsia neebe simu 84, 18 mak konklui ona nia averiguasaun no haruka ba iha MP, sei iha denunsia 24 mak.sei kontinua hela halo averiguasaun iha tinan ida nee, inklui Roo Nakroma neebe la konsege finaliza iha tinan kotuk.
Nia afirma, la konsege finaliza hotu tanba ho rekursu neebe iha, no iha mos kompleksidade ba keixa sira nee, tanba dokumentus sira nee laos hela iha KAK maibe hela iha ministeriu idak-idak, kuandu presiza dokumentus ruma haruka rekezitus ba iha ministeriu sira no sira haruka dokumentus mai mak foin halo estudu.
Verdial akresenta, auto partisipasaun neebe haruka ba iha MP inklui mos RTTL nian kona-ba kareta no kombustivel haruka ba iha tinan kotuk.
Nunee iha tinan ida nee foin haruka auto partisipasaun ida no rejista denunsia husi publiku lima, tanba nee agora prosesu averiguasaun iha hela 27 keiza maka halo hela averiguasaun.
(ter)
