DILI, STLTIMORLESTE.com– iha Domingu dader haleu tuku 03:30, ahi han uma ida iha BTN1, Tasi Tolu, no iha akontesimentu nee rezultadu sidadaun feto no mane ida lakon vida.
Tuir pesoal bombeiru Alfredo de Jesus Perreira katak, iha Domingu dader haleu tuku 06:00, sira simu telefone husi Komunidade sira katak ahi han uma iha BTN1, Tasi-Tolu.
Tan nee, ekipa bombeirus tun kedas halo intervensaun hodi kombate insendiu nee, no iha akontesimentu nee identifika ema nan rua lakon vida.
“Ami simu informasaun iha tuku 06:00, no ami tun kedas fatin ba akontesimentu. Hau rasik mak halo kombate, hau la hatene ema ruma iha laran depois de kombate hotu mak hau foin haree hetan vitima nain rua iha laran,” hatete pesoal Bombeiru nee iha fatin akonsimentu BTN1, Tasi-Tolu, Domingu (25/01/2026).
Nia hatutan, oras nee ekipa bombeiru konsege kombate ona insendiu iha BTN1 Tasi-Tolu.
Oras nee polisia no ekipa FORENSIK iha ona fatin akontesimentu hodi identifika vitima no lori ba halo autopsia molok entrega fila vitima nain rua ba familia.
Entretantu iha biban nee autoridade seguransa seidauk fo deklarasaun ruma liga ba insendiu nee, tanba sei prosede ba investigasaun, hafoin remata investigasaun mak sei fo sai publiku liu husi media sira.
(alb)
