DILI, STLTIMORLESTE.com – Pimeiru Ministru (PM), Kay Rala Xanana Gusmão ho ninia membru governu sira kontenti ho karrta luxu, bainhira povu nee sei moris iha kiak no susar nia laran.
Kestaun nee Jerasaun Patriota, Adao da Silva hatoo hodi responde ba deklarasaun, Deputada Bankada CNRT, Virgina Ana Bele neebe hatete, membru governu lideradu husi, Primeiru Xanana Gusmao ho ninia membru governu sira uza karreta luxu iha povu nia terus leten.
Nia dehan, povu sira iha area rural neeba loron ida atu han no hemu deit laheten, maibe Xefe Governu ho ninia membru governu sira uza karreta luxu hodi pasiar ba mai kontenti loos.
“Boot sira fakar osan ba sira nia aan hodi kontenti, enkuantu ita nia povu kiik nee sei moris hela iha kiak no terus,” dehan Adao ba STL, iha Mandarin, Dili, Segunda (26/01/2026).
Jerasaun Patriota nee mos admira ho estudante sira neebe naton halao demostrasaun kontra Parlamentu Nasional (PN) sosa karreta foun ba Deputadu no Deputada sira nee, la kestiona ka toka ho membru governu sira uza karreta luxu.
“Devia naton nee ita nia alin estudante sira halao demostrasaun, kontra hotu membru governu sira uza karreta foin karik diak, para sira labele patarata sae karreta luxu hanesan agora nee,”hatete jerasaun patriota nee.
Entretantu antes nee Deputada Bankada CNRT, Virgina Ana Belo kestiona Primimeiru Ministru (PM) ho membru governu sira uza karreta luxu iha povu nia terus leten.
“Hau hakarak kolia karreta, oras nee sosiadade inklui Deputadu sira, ami preokupa loos tanba iha tinan 2025 kuandu governu hahu sosa karreta barak no luxu, deskulpa ba termu nee mais senhor Ministra, senhor Visi Primeiru Ministru, karreta ba membru governu nee luxu teb tebes,”deklara Deputada Virgina.
Deputada nee hatutan, bainhira goverbnu sosa karreta luxu sira nee sei fo impaktu ba Fundu Petroliferiu neebe kada tinan governu foti hodi sustenta estadu ida nee, tanba manutensaun neebe sei uza ba krreta estadu nee presiza osan boot ka barak.
(car)
