DILI, STLTIMORLESTE.com – Relasiona ho Aniversariu Jornal Suara Timor Lorosa’e (STL) ba dala 33, Prezidente Tribunal Rekursu (PTR) hatoo parabens.
Tuir Prezidente Tribunal Rekursu, Afonso Carmona katak, ho aniversariu STL iha esperensa ida katak, bele melhora diak liu tan servisu neebe iha.
“Imi nia loron hau husi Tribunal ho ekipa Tribunal nian fo parabens ba imi nia loron, ho hanoin no esperansa katak, imi melhora imi nia servisu hodi fo notisia neebe diak liu tan,” dehan PTR ba STL iha Kaikoli, Tersa (27/01/2026).
PTR dehan, prontu banhira jornalista STL buka notisia iha Tribunal, sei la taka dalan, Tribunal prontu apoiu moralmente, karik kobertura liga ho informasaun Tribunal, sempre apoiu.
“Hatoo parabens ba aniversariu STL, ba oin sei publika notisia neebe relevante ba iha publiku sira, liu-liu situasaun iha rai laran,” dehan nia.
Iha fatin ketak, Akademiku UNTL, Rafael de Jesus dehan, ho aniversariu STL nian bele halao servisu diak liu tan, hodi fahe informasaun ba iha publiku sira.
“Ho aniversariu STL ba oin bele halao servisu diak liu tan, hodi lori informasaun sira neebe iha ba komunidade sira, liu liu ba rona nain sira,” dehan nia.
Liu-liu informasaun neebe fo sai relevante, hato’o povu kbiit laek sira nian lian, sira nia halerik atu bele hetan solusaun husi Governu.
(ter)
