DILI, STLTIMORLESTE.com – Grupu husi estudante Eskola Portuguesa Dili (EPD) aprezenta Muzika Cantares de Janeiras nuudar tradisaun Portugal nia, hananu iha fulan Janeiru hodi fo votus tinan foun, aprezenta ba Prezidente Republika (PR) Jose Ramos Horta.
Iha biban nee Prezidente Republika Jose Ramos Horta ba jornalista sira iha Palasiu Prezidensial Nicolau Lobato, Dili, Sesta (30/01/2026) hatete, nee Muzika Cantares de Janeiras nee mai husi fulan Janeiru iha tradisaun Portugal fulan Kaneiru, hanesan primeira ves nee iha aldeia sira, laos iha sidade, grupu koral sira ba ema nia uma no bairru sira kanta hanesan dezeja fo votus ba tinan foun diak.
Inisiativa ida kultural tradisaun sira nia, interesante tebes, hanesan buat balun iha Timor laos fulan Janeiru deit sira halo prosesaun Virgem Maria nia, Kruz Joven, buat sira nee barak, ita haree tok se bele halo tuir ida nee, tradisaun Portugues nee interesante portantu sira halo iha Dili laran.
“Eskola Portuguesa mak halo, sira mai iha nee hau agradese tanba sira hili Prezidensia atu aprezenta sira nia kanta sira nee,” dehan Prezidente Republika.
Nunee mos Embaixador Portugal ba Timor Leste, Duarte Bue Alves hatutan ohin iha atividade ida entre Embaixada Portugal iha Timor Leste hamutuk ho Eskola Portuguesa Dili, mai aprezenta tradisaun portuguesa nian konaba Cantar Azeñeras.
“Nee hanesan tradisaun ida bainhira iha fulan Janeiru sempre hahu kanta Muzika Cantares de Janeiras, nee hanesan kultura ida hodi hananu iha Aldeia no Suku sira, neebe hananu husi grupu labarik no joven hodi kanta hodi komemora loron foun Ano Novu nia iha fim do ano iha fulan janeiru,” dehan Embaixador.
(eme)
