DILI, STLTIMORLESTE.com – Tribunal Judisial Primeira Instansia Dili (TJPID) deside supende prosesu neebe deskonfia envolve husi arguidu nain lima (5).
Iha sala julgamentu laran Prokurador João Marques deklara katak, husu Tribunal atu haree didiak faktus sira neebe mak konsta iha akuzasaun, depois mak foin bele halo julgamentu, tanba faktus ba prosesu nee akontese iha Munisipiu Lautem.
Rona tiha Prokurador, husi parte Defeza nian Fransisco Soares mos aseita ho pedidu MP nian, husu koletivu haree faktus molok deside ba julgamentu.
Rona tiha Prokurador no Defeza sira, ikus mai Juiza prosesu Ersilia de Jesus deklara katak, sira nia parte haree faktus ba prosesu nee akontese iha Munisipiu Lautem.
Tanba nee, Juiza konsidera prosesu refere sei suspende atu haruka fila ba iha Tribunal Distrital Baucau atu julga, tanba Munisipiu Lautem pertense ba area Jurisdisaun Tribunal Baukau nian.
Juiza deklara, prosesu nee sei haruka fila ba iha Tribunal Baukau, depois mak Tribunal Baukau sei hasai nofitikasaun foun ba iha arguidu sira kona-ba loron julgamentu nian.
Prosesu nee tama too iha Tribunal, deskonfia envolve husi arguidu nain lima (4) inisial JVP, EdC, JVP, AM, no SC neebe iha momentu neeba balu halao knaar iha Servisu Municipal Agua, Saneamento Basico e Ambiente (SMASA) iha munisipiu Lautem.
No prosesu nee ligasaun, reabilitasaun ba kanu kuak no intupidu iha Lospalos Vila no kontratu refere, ho orsamentu US$ 3000.00 no nia durasaun fulan 2 ou seja husi fulan Novembru too fulan Dezembru tinan 2020.
Iha implementasaun, projetu refere la konesege konklui tuir durasaun iha kontratu ou seja iha inisiu fulan Dezembru tinan 2020.
No ikus mai osan refere la jere ho didiak hodi fo prejuizu ba iha Estadu.
Konsekuensia nessesariamente husi arguidu sira nia konduta hanesan deskreve iha leten, hamosu tiha prejuizu ba Estadu, maibe husi prezuiju sira nee, arguidu sira konsege rekoopera liu hosi kontinuasaun ba manutensaun hosi 13% too 67. 37% enkuantu prejuizu neebe estadu sofre no seidauk devolve mak restu hosi 32.63% ou seja montante US$ 978.90.
Arguidu JVP EdV no AM halo ho forma livre, deliberada no konsientemente, arguidu sira hatene mos katak, ho knaar publiku neebe sira asumi atu administra, fiskaliza, defende ka realiza, no laos atu halo intervensaun iha kontratu ka operasaun seluk ka atividade no aproveita husi kondisaun nee, atu hetan ba sira ka ema datoluk direita vantajen patrimonial ka forma kualker seluk, partisipasaun ekonomika la tuir lei no hosi nee bele hamosu prejuizu ba interese publiku ka estadu.
Arguidu JVP, EdC, AM no SC halo ho forma livre, deliberada no konsientamente, arguidu sira hatene momoos katak, konsta falsamente rezultadu inpesaun ho 100 pursentu no pedidu pagamentu ho pursentu hanesan mezmu la koresponde ho realidade iha terrenu ou seja 13%, bele hamosu prejuizu ba Estadu, mezmu nunee arguidu sira atua nafatin tuir saida maka sira hakarak, arguidu sira mos hatene katak, sira nia hahalok refere, kontra lei no sei hetan kastigu.
Arguida SC halo ho forma livre, deliberada no konsientemente, arguida hatene momoos katak, rezultadu hosi inspesaun 100% la koresponde ho realidade husi obra neebe nia kaer, mezmu nunee kontinua halo pedidu pagamentu 100% hodi hetan benefisiu ileļitimu ba nia no kauza prejuizu ba Estadu, arguida mos hatene katak nia hahalok refere kontra lei no sei hetan kastigu.
Arguidu JVP, EdC, JVP no AM komete nudar ko-autor material ho forma konsumada ba konkursu krime 2 (rua), krima falsifikasaun dokumentu previstu no punidu iha artigu 303 husi Kadigu Penal ho krime Partisipasaun Ekonomia no Negosiu.
Arguida SC, komete nuudar ko-autar ba krime falsifikasaun dokumentu previstu no punidu iha artigu 303 husi husi Kodigo Penal no mos nudar kompartisipasaun llisito ba krime Partisipasaun Ekonomia no Negosiu, tuir artigu 86 n 1 husi lei numeru 7/2020 loron 26 fulan Agosto konjuga ho artigu 34 husi Kodigu Penal.
Prosesu nee, suspende husi Juiza Ersilia de Jesus, Ministeriu Publiku reprezenta husi Prokurador Joao Marques, arguidu sira akompana husi Advogadu Privadu, no Defensor Publiku.
(ter)
