DILI, STLTIMORLESTE.com – Komando Polisia Nasional Timor-Leste (PNTL) hamutuk Ministeriu Interior (MI) nomos Sekretaria Estadu Terras Propriedade l, realiza enkontru konjunta hodi diskuti konaba atribuisaun rai ba Komando PNTL hodi konstrui edifisiu Komando Munispiu Eskuadra Komando Munisipiu, Postu, no Kazerna ba Polisia sira.
Komandante Jeral PNTL, Komisariu Jeral Polisia Henrique da Costa informa ba jornalista sira iha Sentru Formasaun Polisia (CFP), Kuarta (04/02/2026).
Nia tenik, realiza enkontru envolve komando munisipiu sira, no nia administrasaun reprezentante sira, unidade nomos Komando Jeral rasik, no marka prezensa mos Ministeriu Interior no Terras Propriedade hodi haree liu konaba foti dadus ba rai sira, atu nunee ba futuru hodi halo edifisiu Eskuadra Komando Munisipiu, Postu, no Kazerna ba Polisia sira.
“Ita presiza komando munisipiu sira fornese dadus ba ita, atu nunee ekipa ministru nian no Terras Propriedade nian karik hetan ona dadus, depois ba iha munisipiu hodi halo verifikasaun, hodi haree katak, medida rai nee sufisiente ka lae. Buat balu sira halo ona ita presiza uniforniza no ita mos presiza haree no identifika keta fatin balu iha problema karik, depois ita halo kedas koordenasaun ho Terras Propriedades atu nunee bele hetan solusaun,” hatete Komandante Jeral PNTL, Komisariu Jeral Polisia Henrique da Coata ba Jornalista sira iha Sentru Formasaun Polisia (CFP), Kuarta (04/02/2026).
Nia dehan, banhira osan tau ona atu halo konstrusaun labele iha problema. Tanba nee Komisariu Jeral PNTL husu ba komandante munisipiu sira no unidade sira para atividade neebe mak sira halo nee tenke pasa relatoriu neebe mai hodi kontinua prienxe iha planeamentu nian hodi enrega ba Governo.
“Sira bele hatene durante nee atividade ou servisu saida mak PNTL sira halo, liu-liu prevensaun krime nian no atividade patrollamentu nian vizita eskola sira no dialogu komunitaria nian, nomos membru balu tuir formasaun iha liur, atu nunee ita haree kona-ba progresu dezemnvolvimentu Polisia nian liu husi dadus neebe mak ita fornese”, nia deklara.
Nia informa, Komandante Munisipiu no Komandante Unidade sira hamutuk ho tekniku Ministeriu Interior survei ba iha Postu no Eskuadra sira hodi haree ba rai nee.
“Ita haree servisu balu lao ona ezemplu hanesan Eskuadra sira iha Lorhe no ba iha Hatulia nian balun prosesu lao hela, no espera katak, iha 2026 nee sira seluk tantu Komando Munisipal sira hahu bele hotu”, nia haktuir.
Iha fatin, Xefe Unidade Apoiu Tekniku Ministeriu Interior (MI) Adino Soares Amaral deklara, konaba rai atribuisaun nee Ministeriu Interior halo kooperasaun ho PNTL, tanba sira mak nain ba projetu, implementa mak Ministeriu Interior sei implementador iha projetu deit.
“Agora dadauk implementa ona Eskuadra 15, kontratu ona falta 50 tan deit para atu kompleta 65 halo hasai husi Dili, tanba Cristo Rei, Nain Feto, Vera Cruz nee tipe A nee kazerna laiha, bairo polisia fali entaun konta deit mak 65 postu administrativu nee mak 15 iha ona, falta 50 tan iha ona,” nia hatutan.
Nia koalia, servisu MI nian mak nee, hahu muda ba projetu kazerna husi Postu mai Munisipiu mak mai nasional.
“Entaun hadia husi kraik mak sae mai tanba projetu nee ba atendimentu publiku iha terrenu nee, entaun kazerna agora nee tolu iha ona, falta restu seluk atu kompleta”, nia koalia.
Nia esplika, planu tinan nee tenke 62 kazerna ho tan eskuadra 50 tenke kompletu tinan ida nee no orsamentu ba ida nee tuir lei foun aprovizionamentu, no labele tama iha Konsellu Administrasaun Fundu Infraestutura entaun husi ekipa ministerial neebe ohin iha nee duni tempu hodi para prienxe, nunee tinan oin planu nee bele realiza .
“Agora kona-ba bairru Polisia hela deit kuartu tanba iha Kintu Governu nia tempu, agora ami atu halo levantamentu reabilitasaun ba uma no tau kama no kulsaun sira nee para sira ba tama deit, uluk sira la tau kama no kulsaun”, nia afirma.*
(jen)
