DILI, STLTIMORLESTE.com – Komadante Komponente Terrestre, Coronel Domingos da Costa Soares “DOBU” hatete, ohin kooperasaun entre FALINTIL- Forsa Defeza Timor Leste (F-FDTL) ho Tentara Nasionál Indonézia (TNI) husi Angkatan Darat neebe kada tinan 10 sempre halao treinamentu kona-ba troka informasaun parte Servisu Intelijensia nian no ba Eskola kapasitasaun ba kaveleria no klase ba kapitaun nian.
“Ohin ami asina akordu ba tinan 10 nian, kona-ba apoiu Treinu no Edukasaun neebe TNI liu husi Angkatan Darat fo mai ita nian F-FDTL husi Komponente Terrestre nian oinsa atu fo kapasitasaun ba ita nia forsa sira tantu husi soldadu ate ofisiál neebe mak hetan oportunidade,” hatete Komadante Komponente Terrestre, Coronel Domingos da Costa Soares “DOBU” ba jornalista sira JL Word Metiaut Díli, Segunda (23/02/2026).
Nia esplika, Tentara Nasionál Indonézia sempre kooperasaun ho F-FDTL atu fo kapasitasaun ba servisu Intelijensia nian, edukasaun fiziku no operasaun tatika militár nian.
“Parte husi Indonézia prontu apoiu ita atu nunee ita bele halao treinamentu hamutuk hodi fo esperiensia ba malu, tanba nee ita nafatin koloka ita nia efetivu nain 2 ou 3 ba Indonezia hodi tuir formasaun,” nia informa.
Nia informa, ohin asuntu akorudu ona hein atu implementa ba tinan 10 mai tan, liu-liu kona-ba change Informasaun Intelijensia nian iha fronteira nomos iha rai laran.
Iha Sorin seluk, Deputy Assistant Chef Of Staff for Intelligence, Brigadeiro General Vilian Wicaksono koalia, iha INAMOR AWG sai nuudar plataforma importante iha hametin kooperasaun bilaterál entre Tentara Indonézia (TNI) no FALINTIL – Forsa Defesa Timor Leste (F-FDTL).
Nia deklara, liu hhsi forum ida nee hatudu kontinuamentu konfiansa no kompromisu atu harii parseiru no solidariedade ida neebe forte liu tan, Redasaun Kria entre ezerzitu no F-FDTL reflera iha atividade oin-oin, inklui Troka profissional, ezersisiu Konjunta kooperasaun edukativu no formasaun, kooperasaun entre nasaun rua nee.
“Hau fiar katak AWG INAMOR ba dala 10 ida nee sei sai hanesan marku signifikativu ida iha ami nia esforsu sira atu hametin koordenasaun, dezenvolve inisiativa foun sira ba kooperasaun iha futuru, no kontinua ami nia kompromisu fahe ba pas, estabilidade no seguransa rejionál. Hau fiar katak liu husi sorumutu nee, ita sei bele halo revizaun ba realizasaun sira, troka hanoin, no dezenvolve programa foun sira neebe sei lori benefísiu mútuo ba ezérsitu rua nee iha futuru,” nia informa.
Nia hatoo apresiasaun boot ba prezensa no partisipasaun ativu iha enkontru bilateral ida nee atu Maromak kbiit hotu haraik nafatin nia grasa no obrigasaun ba hotu-hotu ba servisu ba nasaun no povu.
Tamba nee ohin asina akordu entre TNI husi Angkatan Darat ho F-FDTL atu nafatin kooperasaun ho diak iha tinan 10 nia laran atu fo treinamentu kona-ba Servisu Intelligensia nian nomos Edukasaun Fiziku no Operasaun nian.
“Kada tinan ami sempre halao diskusaun hamutuk TNI liu-husi Angkatan Darat ho F-FDTL ita Servisu hamutuk kona-ba servisu Militár nian ba oin nafatin hau espera katak ba tinan 2026 ba oin ita sei halo buat barak,” nia deklara.
Nia koalia, wainhira kooperasaun nee ba oin sei fahe pontus 3 neebe importante mak troka informasaun Intelijensia nian, no ba parte edukasaun nian tanba agora daudaun membru F-FDTL nain 4 mak tuir formasaun akademia TNI iha Indonézia no tuir plano tinan ida nee nain 2 sei remata nia treinamentu iha akademia TNI iha husi Angkatan Darat no ida seluk husi Ankatang Laut nian.
“Hau espera katak koperasaun ohin nee ba oin ita sei aumenta membru sira husi F-FDTL ba iha akademia TNI iha Indonézia no ami mos sei rekomenda Membru TNI mai iha Timor Leste atu aprende hamutuk no sira sei fokus liu ba treinamentu Operasaun nian no Simik nian iha Indonézia,” nia afirma.
(jen)
