DILI, STLTIMORLESTE.com – Eskola internasional ida ho pre eskolar neebe mak daudaun nee lokaliza iha Munisipiu Likisa seidauk hetan lisensa husi Ministériu Edukasaun (ME) liu husi GALA.
Julio da Silva nuudar Diretor Servisu Edukasaun Munisípiu Likisa hatoo kestaun nee ba STL liu husi telefone, Kinta nee (26/02/2026).
“Eskola sira nee seidauk hetan lisensa ida, ita seidauk hetan lisensa, EPE hau sedauk ba sira nia eskola, tamba laiha lisensa. Eskola internasional ho nivel pre eskolar nee loke iha tinan kotuk 2025, tanba sira presiza hetan lisensa husi parte ME nian, neebe liu husi Gala mak bele hetan lisensa,” nia esplika.
Julio dehan, kona-ba sira nian prosesu ensinu aprendizajen atu lao diak ou lae nee ladun hatene, tanba too agora nia rasik seidauk ba halo vizita iha eskola internasional neebe mak foin loke iha tinan kotuk 2025.
“Iha Likisa nee ita nian eskola internasional nivel pre eskolar nee mak seidauk hetan lisensa, tanba eskola refere foin loke iha tinan kotuk, tanba eskola refere seidauk hetan lisensa no hau rasik seidauk ba halo vizita ba eskola refere,” nia dehan.
Iha fatin seluk, Patricio da Costa Magno hanesan Direitor Servisu Edukasaun Munisípiu Ainaro dehan, eskola internasional sira nee balun hetan ona lisensa no balun seidauk hetan lisensa, tanba husi ME liu husi GALA mak fo lisensa ba eskola sira nee.
“Eskola internasional sira nee balun hetan ona lisensa no balun seidauk hetan lisensa, tanba husi ME liu husi GALA mak fo lisensa ba eskola sira nee. Tanba eskola sira nee presiza hetan akreditasaun no lisensa husi parte ME nian liu husi Gala,” nia dehan.
(jac)
