DILI, STLTIMORLESTE.com – Eskola Nivel Ensinu Baziku Central (EBC) tolu nolu (30) neebe mak lokaliza iha Munisípiu Bobonaro sei menus manorin, tanba nee Edukasaun Munisípiu halo ona pedidu ba nasional.
Diretor Servisu Edukasaun Munisípiu Bobonaro, Miguel Freitas hatoo kestaun nee ba jornalista STL liu husi telefone, Sesta nee (27/02/2026).
“Profesores sira neebe mak ami presiza nee ba ita nian ensinu baziku tolu nolu (30), nee mak ami nian propoin ba nasional, tanba ami nian pedidu husu apoiu profesores nain 30 nee haruka ba ona iha ME nasional. Ita nian eskola 30 nee mak sei menus manorin iha eskola, maibe ami haruka ona pedidu,” nia dehan.
Nia dehan, nee duni sira alista hotu ona, tanba nee sira identifika eskola 30 mak menus profesores, oinsa mak husi ME koloka profesores sira nee ba eskola neebe sei menus profesores.
(jac)
