DILI, STLTIMORLESTE.com – Autoridade Forsa Konjunta, Polisia Nasional Timor Leste (PNTL) husi Unidade Polisia Maritima, Diresaun Servisu Investigasaun Kriminal (DSIK), Forsa Sekreta N2 Naval ho Servisu Nasional Intelijensia (SNI), halo aprensaun sasan kontra bandu sigaru marlboro kaixa 50 iha Kasnafar.
Nia dehan, sasan kontra bandu nee Autoridade Forsa Konjunta halo aprensaun iha loron 26 Fevereiru, tuku 07:30 kalan, hafoin sidadaun Timoroan ida naran inisial FTFM idade 42 mak kondus kareta minibas Nisa ho sapa matrikula C.10. 579 TL tula sasan kontra bandu sigaru marlboro.
Nia tenik, hafoin ekipa forsa konjunta halo aprensaun kontinua kedas lori evidensia kareta ho sasan kontra bandu sigaru marlboro hamutuk ho kondutor ba iha edifisiu Diresaun Servisu Investigasaun Kriminal nia fatin hodi submete ba prosesu indentifikasaun rejista ho NUK: 0070/26.PNSIC, molok aprezenta ba Ministeriu Publiku atu kontinua prosesu tuir lei neebe vigora iha Timor Leste.
Nia esplika, autoridade forsa konjunta deskobre iha sidadaun Timoroan ida tula sasan kontra bandu sigaru marlboro halo movimentu iha sidade dili, hodi suspeita nia involve iha krime organizadu halo importasaun ba sasan merkadoria ilegal neebe Autoridade Timor Leste bandu.
“Bainhira ita nia ekipa halo vizilansia identifika hetan halo kedas aprensaun ba kareta minibas Nisa ida ita detekta sasan iha kareta laran sigaru tipu marlboro hamutuk kaixa 50 ne’ebé ita denkonfia hatama husi Maritima Tasi mane nian mai Timor Leste,” hatete Porta Voz PNTL, Superintendente Polisia João Belo dos Reis ba jornalista sira iha Komando Jeral PNTL, Sesta (27/02/2026).
Nia informa, hafoin ekipa forsa konjunta halo aprensaun ba evidensia kareta neebe tula sasan kontra bandu sigaru marlboro ho kondutor asegura ona iha edifisiu Diresaun Investigasaun Kriminal nia fatin hodi submete ba prosesu identifikasaun.
“Sidadaun Timoroan neebe kondus kareta tula sasan kontra bandu nee laos nain ba sasan, maibe sasan nain nee sidadaun estrajeiru balun daudaun nee ita nia ekipa investigasaun halo ona komunikasaun ho sira atu mai submete ba prosesu idetifikasaun, tanba ita deskonfia iha sira nia fatin sasan seluk neebe sira hatama hamutuk ho sigaru nee ita sei halo operasaun buka tuir,” nia deklara.
Porta vos PNTL afirma, ekipa forsa konjunta daudaun halo servisu iha terenu kontinua buka evidensia sigaru sira neebe laos marlboro orijinal, tanba iha informasaun sasan sira nee tama mai teritoriu Timor Leste dala barak ona.
(jen)
