DILI, STLTIMORLESTE.com – Servisu Edukasaun Munisípiu Bobonaro nafatin identifika eskola iha area remotas, neebe mak laiha guarda eskola.
Kestaun nee hatoo husi Diretor Servisu Edukasaun Munisípiu Bobonaro, Miguel Freitas ba jornalista STL, Domingu nee (08/03/2026).
“Ita hatene katak, ita nian eskola sira iha area remotas balun too agora laiha guarda eskola, tanba nee mak ita nafatin identifika ita nian eskola hirak neebe seidauk iha guarda, tanba balun iha ona guarda no balun too agora laiha,” dehan nia.
Iha fatin seluk, Diretor Servisu Edukasaun Munisípiu Manatuto, Patricio da Cruz Quintao dehan, eskola balun iha ona guarda eskola, maibe balun laiha, tanba eskola sira iha area remotas nee barak seidauk iha guarda eskola.
“Ita nian eskola balun iha ona guarda eskola, maibe balun laiha, tanba eskola sira iha area remotas nee barak seidauk iha guarda eskola, tanba nee ita sei identifika atu nunee bele relata ba nasional,” nia haktuir.
Nunee mos Julio da Silva hanesan Diretor Servisu Edukasaun Munisípiu Likisa hatete, los duni katak eskola neebe lokaliza iha Munisipiu Likisa nee balun iha guarda eskola no balun too agora seidauk iha guarda.
“Hau hanoin los duni katak, ita nian eskola neebe lokaliza iha Munisipiu Likisa nee balun iha guarda eskola no balun too agora seidauk iha guarda,” nia dehan.
(jac)
