DILI, STLTIMORLESTE.com – Rede Feto Timor Leste (RFTL) iha loron Kuarta (11/03) sei selebra aniversariu ba dala 26, laos deit selebra maibe momentu ba refleksaun no asaun koletivu.
Lia hirak nee hatoo husi Prezidente Ezekutivu Rede Feto Timor Leste, Zelia Fernandes liu husi Komferensia imprensa iha knaar fatin Vera Cruz, Tersa (10/03/2026).
Nia hatete, aban 11 Marsu, Rede Feto Timor Leste mos komemora ninia aniversariu ba dala 26. Aniversariu Rede Feto no mos Loron Internasional ba Feto nee laos deit selebra, maibe mos momentu ba reflesaun no mos apelu ida ba asaun kolektivu nian.
Prezidente RFTL hatete Reflesaun Klean Kazu Violensia Bazeia ba Jeneru (VBJ) neebe viral iha media sosia hatudu katak dignidade feto no labarik feto sei iha ameasa laran.
“Ikus-ikus nee, ita-nia ecran telemovel sai sasin ba sofrimentu feto nian, Imajen no vídeo husi violensia domestika, abuzu ba labarik feto, no asediu seksual neebe nakloke ba publiku laos deit “kontente ida iha media sosial; ida-nee mak sinal katak ita-nia sistema protesaun sei iha fali “knua” neebe nakloke,” dehan Prezidente RFTL.
Nia hatete Feto maluk ida haktuir Labele hein too viral mak foin foti asaun. Justisa laos deit ba sira neebe iha lian boot iha internet, maibe ba feto hotu neebe tanis subar iha odamatan kotuk neebe taka metin.
“Ho situasaun no kazu oioin neebe viral nune ami Eziji ba Direitu no Justisa ustisa neebe Lalais no Transparente: Hakotu impunidade. Ator violensia sira tenke simu konsekuensia legal neebe forte, laos deit rezolve ho “dalan família” neebe hanehan fali vítima. Seguransa Digital Estadu tenke hametin lei ba krime sibernetiku hodi proteje feto no labarik feto husi bullying, asediu, no kampaña hamoe feto iha mundu digital. Protesaun ba Labarik Feto tamba Sira mak futuru. Asaun urjente presiza atu garante katak eskola no uma sai fatin neebe seguru liu ba sira,” katak nia.
Biban murak nee FRTL apelu no Asaun Konjunta ba “Ita Hotu nia Responsabilidade”
Violensia laos kazu feto nian deit, maibe kazu umanidade nian. Nune, ami husu ba, Ami nian Mane maluk sira no ami nian lider sira Atu sai parseru no aliadu forte no loloos. Labele sai sasin neebe nonook, maibe sai lian neebe defende,” katak nia.
Governu, Sosiedade Sivíl, konviksaun relijioja sira atu investe barak liutan iha prevensaun no edukasaun jeneru husi baze no ema hotu hotu iha nivel oioin.
“Utilizador ka Uza-nain Media Sosial, Atu uza Ita-nia lian hodi habelar lia-loos no apoia vítima, laos hodi fahe tan violensia ka fo sala ba vítima (victim blaming). Ikus liu Selebrasaun 2026 mak tempu ba Asaun Real. Direitu laos prezente neebe ema fo, maibe direitu mak kbiit neebe ita tenke defende hamutuk. Justisa ba feto ida, mak vitoria ba nasaun tomak. Hakotu Silensia. Hamriik ba Justisa,” hakotu.
(eme)
