DILI, STLTIMORLESTE.com – Embaixada Uniaun Europeia ho nia delegasaun mai Ministeriu Defeza (MD) halao enkontru kortezia hodi estabelese kooperasaun diak ho Ministeriu Defeza (MD).
“Hau hamutuk ho Embaixador Uniao Europeia, Thorsten, ohin halo primeira vizita mai Timor Leste atu estabelese kooperasaun entre Uniaun Europeia ho Ministeriu Defeza nian,” hatete Ministru Defeza (MD) Kontra-Almirante Donaciano da Costa Gomes “Pedro Klamar Fuik” ba jornalista sira iha Ministeriu Defeza Fatuhada Dili, Tersa (17/03/2026).
Nia dehan, iha ambitu segurasan iha area ida neebe mak fastu tebes-tebes neebe mak bele hamutuk ho Uniaun Europeia bilateral ho pais Uniaun Europia nian, nunee mos ambitu Nasaun Unidas iha mos oraganiazaun sira seluk neebe Uniaun Europeia promove no partisipa.
“Ami mos koalia oinsa mak atu bele identifika relasaun entre Timor Leste ho Uniaun Europia tanba Uniaun Europia ho TL partilha valores komun, hanesan valores da Liberdade, valores demokrasia, direitus umanus nomos internasioal, valores sira neebe mak sai hanesan valores prinsipiu fundamental ba ita nia prosesu estadu nasaun, nunee ami hanoin katak Uniaun Europia hanesan parseirus estratejiku ida ita mantein ita nia dezenvolvimentu iha ambitu kooperasaun diak iha area hotu, liu-liu iha area segurasan,” nia esplika.
Iha fatin hanesan, Embaixador Uniaun Europeia Thorsten Bargfrede ho delegasaun mai Ministeriu Defeza (MD) enkontru kortezia obrigado barak tanba ohin vizita mai Ministeriu Defeza hodi koalia konaba koeprasaun diak no koalia konaba difikuldade neebe Defeza no Segurasa hasoru, no Uniaun Europeia apoiu nafatin Timor Leste, tanba pais ida nee parseiru diak tebes.
“Imi hasoru malu koalia kona-ba MD ho Uniaun Europeia hamriik hamutuk ho ekiapa molester no defeza ONU importante tebes, ida nee ita sei hetan benefisu husi tempu naruk hanesan nee, no ami hein hela ami nia diskusaun no kooperasaun kontinua lao inklui segurasa,” nia afirma.
(jen)
