DILI, STLTIMORLESTE.com – Ministru Defeza (MD) Kontra Almirante, Donaciano do Rosário da Costa Gomes “Pedro Klamar Fuik” hateten, Ministeriu Defeza tinan nee prioriza hodi estabelese baze militár norte iha Aldeia Tata Suku Ailelo, Postu Administrativu Hatolia A, Munisípiu Ermera.
Nia dehan, baze militár nee sei konstrui edifisiu ida no rezidensia ba militar sira no projetu sei lansa iha tinan ida nee.
“Projetu id nee ita atu halo iha Tata Hatolia sei hasai hanesan baze ba batallaun norte husi komponente terrestre nian,” hatete Ministru Defeza (MD) Kontra Almirante, Donaciano do Rosário da Costa Gomes ” Pedro Klamar Fuik” ba jornalista sira iha Ministeriu Defeza Fatuhada Dili, Kuarta (18/03/2026).
Nia esplika, konstrusaun baze militár nee responsavwl ba iha Mínisteriu Planiamentu Invetimentu Estrátéjiku (MPIE) liu husi Sekretária Grande Projetu no agora dezeñu ba konstrusaun baze militár nee konklui ona tinan rua kotuk no tinan nee sei halo lansamentu fatuk dahuluk ba konstrusaun nee.
“Sim, projetu nee sei lansa iha tinan nee ba bairru militár ho baze militár. Ita fo prioridade ba baze militár, tanba ita presiza uluk estabelese baze tiha posteriormente ita dezenvolve rezidensia militár ida ne’e sei halo iha tinan ida nee,” nia esplika.
Nia informa, iha planu dezenvolvimentu ba iha Mínisteriu Defeza nian iha planu tinan nian lima tuir diretiva minsterial neebe mak MD hasai iha área Defeza nunee fundamental atu dezenvolve mak infrastrutura.
“Hanesan ita boot sira hatene katak Governu iha ona ona tina rua ho balun, tinan rua ba kotuk ita konseptualiza ba hanoin hothotu saida deit mak ita hakakarak iha infrastrutura ba ita-nia forsa. Tanba iha tinan rua kotuk ita kompleta dezeñu ba infrastrutura militar nee. Depois kompletu dezeñu ba ita nia infrastrutura sira i depois tinan ida ne’e mak implemnta”, nia informa.
Nia koalia, infrastrutura neebe Ministeriu Defeza foku atu implementa tinan nee mak ba iha baze militár ida iha nivél kompanhia .
“Infraestrutura neebe ita halo infrastrutura neebe mak kompleta kedan ho rezidensia militár ba nivél kompanhia nian, kompanhia sira-nia membru kuandu sira destakadu ba iha área neebe mak sira responsabiliza sira bele ba hamutuk ho familia insira bele hela iha bairru militár,” nia hatutan.
Nia garante tinan nee sei halao lansamentu fatuk dahuluk ba konstrusaun baze militár nee .
“Tinan ida nee hau fiar ita komesa.Ministeriu MPIE no Grande Projetusira mak sei lansa depois mak ita sei konstrui durante tinan ida rua ba oin”, nia afirma.
(jen)
