DILI, STLTIMORLESTE.com – Ministru Defeza (MD) Kontra Almirante Donaciano do Rosário da Costa Gomes “Pedro Klamar Fuik” hateten, dezenhu ba konstrusaun Portu Navál Hera konklui ona.
“Ita mos kompleta ona dezenhu ba konstrusaun ou baze Naval Hera, hau fiar katak tinan ida nee ita bele komesa,” hatete Ministru Defeza (MD) Kontra Almirante Donaciano do Rosário da Costa Gomes “Pedro Klamar Fuik” ba jornalista sira iha Ministeriu Defeza Fatuhada, Dili, Kuarta (18/03/2026).
Nia deklara, orsamentu ba konstrusaun Portu Naval Hera nee tau iha Konselhu Administrasaun Fundu Infrastrutura (KAFI) no agora daudaun husi Ministeriu Planiamentu Investimentu (MPIE) liuhusi no Grande Projetusira sira mak sei lansa.
“Projetu nee sei hahu tinan nee se hau la engaña Marsu nee sei hahu lansamentu ba konstrusaun Portu Navál Hera,” nia deklara.
Governante nee la lembra empreza neebe mak dezeñu ba Portu Navál Hera, maibe dezeñu ba konstrusaun Portu Navál Hera nee konklui ona.
(jen)
