DILI, STLTIMORLESTE.com – Liga ho funu iha Mediu Oriente neebe fo impaktu ba krize mundial inklui mos Timor Leste, ho situasaun nee Governu sei esforsu garante folin mina no hahan too fim do ano.
Kestaun nee hatoo husi Primeiru Ministru Kay Rala Xanana Gusmão ba jornalista sira, bainhira remata halo enkontru semanal ho Prezidente Republika Jose Ramos Horta iha palasiu Prezidensial Nicoalu Lobato, Bairo Pite, Kinta (19/03/2026).
Primeiru Ministru dehan, liga ho situasaun funu iha mediu oriente neebe fo impaktu ba krize, oras nee mina folin sae maibe ladun sae makaas maibe Governu sei halo esforsu hodi garante mina no hahan too fim do ano.
“Nunee mos konaba Presu mina sae maibe ladun sae laos sae aat liu maibe ita akompanha karik funu iha mediu oriente ita lahatene bainhira mak hotu, kala sei sae tan, tanba nee mak konsellu Ministru mos ho Ministru petroliu no minarai hamutuk ho importadores mina no gas buat sira nee hotu sira sei haree nafatin estudu nafatin oinusa mak ita tenke garante too fim do ano lafalta mina
Primeiru Ministru hatete Governu sei haree no estuda nafatin nunee bele rejolve Mina labele falta too fim do ano.
Primeiru Ministru konaba Folin Kombustivel sae nee laos iha Timor deit maibe akontese mos iha nasaun sira seluk liga ho funu iha mediu oriente.
“Ita kuandu temi la falta mina laos deit iha Timor maibe iha mos fatin barak neebe dehan karik sei hadau malu neebe ita sei garante katak sei la falta la signifika katak ita iha garantia tomak, mina neebe agora ita gasta nee latoo iha neeba mais pelumenus sei lafalta mina, ohin loron deit motor kareta deit barak satan ida Kema nee,” dehan PM Xanana.
Xefe Governu hatete, folin kombustivel sae tanba impaktu husi funu iha mediu Oriente, ho funu neebe akontese laos impaktu ba mina deit maibe sei fo impaktu mos ba hahan folin sae.
“hodi kalan hau haree iha CNE, BBC funu nee sei provoka Falta de hahan ba 45 milloens nee hodiseik nia 45 miloens fulan ida tan kala 60 miloens ida nee mos bele konsidera tanba ita nia produsaun seidauk boot buat sira nee hotu bele konsidera iha buat sira nee tanba nee mak Governu hodiseik haree ona oinsa mak garante hahan too fim do ano, neebe buat nee sei lao ita sei haree,” katak PM Xanana.
PM Xanana hatete, haree ba funu neebe akontese neebe sei fo impaktu ba aihan folin sae tanba nee Governu mos haree ona tau atensaun nunee bele garante hahan bele too fim do ano.
(eme)
