DILI, STLTIMORLESTE.com – Doutor Rui Maria de Araujo iha intensaun atu kanidata aan ba Prezidente Republika periodu 2027-2032.
“Ohin ita halo enkontru sosializasaun kona-ba intensaun atu kanidata aan, hau seidauk kanidata, hau iha duni intensaun atu kanidata aan, hau hakarak kanidata ba Prezidente Republika períodu eleisaun 2027 hanesan independente,” hatete Doutor Rui Maria de Araujo iha Salaun Delta Nova, Sabadu (28/3/2026).
Tanba saida mak independente, tanba Prezidente Republika labele loyal ba A,B,C, maibe Prezidente Republika tenke loyal ba estadu, Konstituisaun RDTL no povu.
Nia dehan, prekursu nuudar ativista hanesan ema neebe hetan oportunidade servisu oituan iha estadu, tan nee prekursu durante nee fokus ba estadu, la loyal ba A, B no C, kuandu A sala dehan sala, los mak ida nee, nee mak hau hakarak lori Prezidente Republika tuir mai, tanba Prezidente Republika nee ba ema hotu.
Nia dehan, sistema semi presidensial iha TL, sistema neebe lo-loos no diak tebes, halo check and balances, sira neebe halo konstituisaun nee hili dalan neebé diak.
Tanba saida TL nia kultura no tradisaun, lia ruma tenke hamutuk, labele fetosan mesak deside, labele umane mesak deside maibe hamutuk, tanba nee iha orgaun soberanu mos adopta ida nee, tenke servisu hamutuk atu lori dezenvolvimentu ba rai ida nee.
“Tempu too ona, tanba saida hau uza sapeu hanesan mediku, tanba estadu no nasaun falta oksigeniu, ita presiza lori oksigeniu liu tan ba estadu no nasaun atu bele funsiona ho diak,” nia hakotu.
(joa)
