DILI, STLTIMORLESTE.com – Komandante Jerál Polísia Nasionál Timor Leste (PNTL), Komisáriu Asisténte Afonso dos Santos hateten, durante nia mandatu hanesan Komandante Jerál Polísia, membru Governu labele halo intervensaun ba servisu polisia.
Nia dehan, nuudar Komandante Jerál, polítika sira atu koalia kona-ba kestaun servisu polisia nian tenke hetan autorizasaun husi Komandante Jerál PNTL liu-liu atu hili membru Korpu Seguransa Pesoal (UEP) atu ba eskoltu ne’e tenke hetan autorizasaun husi komando se lae labele.
“Lae eskoltu nee ita termina, eskoltu neebe bem formadu, nia hakarak eskoltu mai treinu lai iha UEP, treinu remata depois mak koloka,” hatete Komandante Jerál Polísia Nasionál Timor Leste (PNTL) Komisáriu Asisténte Afonso dos Santos ba jornalista sira banhira halo vizita ba Unidade Espesiál Polísia (UEP), Bairo Pite, Segunda (30/03/2026).
“Ita presiza jerasaun foun nee mak ohin ita koalia komandante unidade Espesiál Polísia maibe depois mak nia haree, maibe membru governu hili tuir nia família nee isto não eziste, Afonso nia tempu laiha Governu halo intervensaun iha polísia laran, hau mak komandante hau mak deside, ida nee mak loos, membru Governu bele propoin deside nee hau mak deside la’ós membru governu,” nia deklara.
Komandante Jerál PNTL nee husu ba membru UEP sira hotu atu labele kria razismu no koalia polítika iha instituisaun Polisia liu-liu Unidade Espesiál Polísia no labele kria grupuizmu no familiarizmu, kuandu komando hetan sei hasai.
“Hau lakohi rona komandante ida atu ba enkontru ema polítiku, hau rona ida hau hasai ona. Rona komandante Damiao,” nia informa.
Iha biban nee Koamandante Jerál Komisariu Aistente Afonso dos Santos hateten, nia objetivu mai vizita iha Unidade Espesiál Polísia atu husi sira para sira prepara aan, maske sira ne’e oituan, maibe ba futuru nee sira bele halo servisu ho diak liu.
“Hau sempre iha propriedade, hau Komandante foun hau tenke ser prepra didiak sira ba iha futuru,” nia hatutan.
Nia esplika, UEP nee nuudar Unidade Espesiál Polísia determinasau.
“Aban bainrua sira buat ruma mosu sira mak determina, polísia nee hanesan nee, nee mak hau nia primeira vizita hau tenke ser mai uluk iha sira. aban hau sei ba fali iha máritima,” koalia.
Nia husu ba membru Unidade Espesiál Polísia atu kumpre orden Komando no servisu tuir irarkia Komando nian.
“Sim, hau hateten ona ba se deit iha Polísia Nasionál Timor Leste la eziste buat rua, rona orden Komando nian hotu ona, rona komandante tanba komandante mak lidera, nia mak hatene sira seluk laiha”, nia afirma.
Komisáriu Afonso hateten, polísia prepradu atu fó seguran ba eventu eleisaun prezidensiál tinan oin no eleisaun parlamentár 2028.
“Ami preparadu, hau sei koalia ho ami nia ministru para prepara sira ba eleisaun 2027 ho 2028, nee tenke ser hakarak ka lakohi, tanba nee importante” nia hateten.
Kona-ba kestaun limitasau fasilidade Komando UEP, Koamandante Jerál PNTL nee hateten, durante nia vizita mai iha UEP nia identifika ona problema fasilidade sira, mas ida nee segredu Komando nia hodi rezolve.
“Hau identifika ona maibe ida nee sekrekta labele koalia ho ita boot sira. Hau mai vizita uluk kedan hau iha nee, hau tenke ser obrigasaun hau nia primeira vizita nunee tenke ser unidade espesial polísia nee para ba futuru kualker asuntu ne’ebé akontese nee se kontijente Komando Munisípiu Dili labele, tenke ser mai ona Komandu Unidade Espesiál,” nia deklara.
Iha fatin hanesan, Komandante Unidade Espesiál Polísia (UEP) Superintendente Xefe Damiao Correia esplika, Komandante Jerál PNTL Komisáriu Asisténte Afonso dos Santos mai vizita iha UEP nee nuudar nia vizita dahuluk nudar Komandante Jerál hafoin simu pose.
“Nia atu mai haree kondisaun besik saida-saida mak durante neee Unidade Espesiál Polísia hasoru, maibe nia nuudar Komandante UEP antigu hahu kedan iha 2010, nia hatene muito bem kondisaun Unidade Espesiál nunee politikamente nia hatoo ba Ministru Interiór,” nia hatutan.
Nia afirma, husi vizita nee Komandante Jerál husu Komandante Unidade Espesiál Polísia atu kumpre orden Komando nian.
(jen)
