DILI, STLTIMORLESTE.com – Komandante Jerál Polisia Nasionál Timor Leste (PNTL), Komisariu Assistente Polisia Afonso dos Santos hala’o vizita dahuluk iha Komando Unidade Espesial Polisia (UEP), husu membru PNTL sira halo servisu tenki disiplina, rona ordem Komando asegura seguransa ba povu no nasaun.
Iha vizita dahuluk Komandante Jerál Polisia Nasionál Timor Leste (PNTL), Komisariu Assistente Polisia Afonso dos Santos, hafoin simu tomada de pose husi Primeiru Ministru Kayrala Xanana Gusmão iha ambitu komemorasaun aniversariu ezistensia PNTL ba dala-26 iha Palasiu Governu.
“Hau hatete ona ba se deit iha PNTL, la eziste buat oi-oin, rona ordem Komando nia hotu nee ona, rona Komandente tanba Komandante mak lidera, nia mak hatene,” hatete Komandante Jerál Polisia Nasionál Timor Leste (PNTL), Komisariu Assistente Polisia Afonso dos Santos ba jornalista sira nee iha UEP, Bairo Pite Dili, Segunda (30/03/2026).
Iha parada Komisáriu Assistente Polísia Afonso dos Santos hatoo orientasaun servisu ba membru sira iha Unidade Espesial Polisia (UEP) hodi prepara planu atu haforsa liu tan kapasidade no dezempeñu Unidade hodi garante seguransa ba povu no nasaun.
Nia mos husu ba membru sira hotu atu ezekuta knaar ho disipliña, responsabilidade no kompromisiu aas, atu garante servisu polísia neebe profissional no efisiente.
Entretantu hafoin parada remata Komisáriu Assistente Polísia Afonso dos Santos halao mos enkontru ho Komandante Unidade Espesial Polisai (UEP), Superintendente Xefe Polisia Damião da Silva Correira ho estrutura no Komandante Sub-Seksaun sira, no membru sira hotu Unidade Espesial nian.
(jen)
