DILI, STLTIMORLESTE.com – Governu Timor Leste Liu husi Ministeriu Administrasaun Estatal (MAE) nomea Celestinho Marques nuudar Prezidente Autoridade Interinu Rejiaun Administrativa Espesial Oecusse-Ambeno (PA-RAEOA) hodi substitui PA-RAEOA atual Regio da Cruz Salu durante loron 40 hodi prepara kondisoens bá estrutura definitivu.
Informasaun nee hatoo husi reprezentante povu iha uma fukun Parlamentu Nasional, Oecusse oan husi Bankada Partidu Kongresu Nasional Rekonstrusaun Timorense (CNRT) ba jornalista STL, Kuarta nee (08/04/2026).
Nia dehan, informasaun neebe daudaun iha katak, knaar neebe Governu liu husi Ministeriu Administrasaun Estatal fo nee bá loron 40 deit, atu prepara estrutura definitivu Autoridade RAEOA nian, neebe estrutura Autoridade Tranzitoriu sei mantein, aumenta deit mak Sekretariu Rejional 3 deit.
“Hau atu klarifika bá publiku katak, substituisaun PA-RAEOA interinu nee lidera husi Celestinho Marques, atual Diretor Nasional Apoiu Administrasaun Suku (DNAAS) neebe fo fiar husi Ministeriu Administrasaun Estatal (MAE), nia mandatu ba loron 40 deit, karikt tempu badak PA-RAEOA fila bá Oecusse nia mandatu Sesa, tanba substituisaun ida nee atu labele iha fakun Autoridade nia serbisu iha Oecusse nomos substituisaun ida nee atu prepara mos bá estrutura defenitivu, neebe etrutura atual sei mantein, aumenta deit Sekretariu Rejional nain 3 tan,” dehan Deputadu Fiemino Taeki.
Nia dehan, desizaun bá estrutura definitivu Autoridade RAEOA nee sei anunsiu hafoin loron 40 mak Konselhu Ministru fo sai.
(jos)
