DILI, STLTIMORLESTE.com – Sekretariu Jeral Sekretariadu G7+, Helder da Costa aktualiza situasaun nivel mundial neebe afeita ba estadu membru G7+ ba Prezidente Republika, Jose Ramos Horta.
Bainhira remata hasoru malu, Sekretariu Jeral Sekretariadu G7+, Helder da Costa ba jornalista sira iha Palasiu Prezidensial Nicolau Lobato, Bairo Pite, Segunda lokraik (13/04/2026) hatete, ohin mai halo audensia ho Prezidente Republika Jose Ramos Horta hodi aktualiza situsaun iha nivel mundial neebe afeita ba estadu membru G7+.
“Ami husi g7+ ohin mai halo audensia kortezia ho sua exelensia Prezidente atu atualiza kona-ba situasaun iha nivel mundial liuliu situasaun sira neebe afeta paises estadu membru g7+ ninian. Ami ohin atualiza senhor prezidente iha paises Salomao neebe ita nia Prezidente g7+ haknaar an ba kresimentu iha impase politika iha parlamentu, tantu hatudu sira nia dezafius frazilidade instituisional iha kresimentu politika impase iha rezignasaun masal ministru nain 12 husi ilhas salomao rezigna an husi governu, agora sira hamutuk fali ho pozisaun forma fali maioria ida hodi hein para atu forma fali governu foun nee iha Salomao,” dehan Helder.
Sekjer G7+ hatete, iha hasoru malu nee aktualiza mos ba Prezidente Republika konaba sira nia vizita ba nasaun rua Kongo ho Liberia.
“Ami mos ohin atualiza ba Prezidente kona-ba ami nia vizita ba Republika Demokratiku Kongo ho Liberia, pais rua neebe asume sira nia kargu hanesan Vise Prezidente g7+ ninian tuir reuniaun ministerial g7+ neebe halo iha nee tinan kotuk no sira kompromete atu lori nafatin ajenda g7+ nian ba mundu i sira nia kualidade agora hanesan noun permance security country members neduni sira sei amplifika voz g7+ nian iha nivel mundial,” katak nia.
Aleinde atualizasaun mos ba Prezidente kona-ba inisiativa sira iha media oriente hanesan prezidente Republika Timor Leste Jose Ramos Horta koalia rasik ho prezidente United Arab Emirates (UAE) konaba Estasaun de Soliedaridade Timor-Leste nian ba United Arab Emirates iha estasaun neebe akontese iha mediu oriente.
“Ami mos ohin atualiza senhor prezidente aban loraik aban kalan ita nia maun boot Primeiru Ministru Kay Rala Xanana Gusmao sei halo Zoom Call ho ninia omologu Xefe do governu Prezidente republika Sereloua aban kalan sei koalia kona-ba situasaun atual neebe akontese iha mundu rai klaran liu-liu sira neebe afeta ita nia pais estadu membru Guinea-Bissau,” katak nia.
Tanba sa tanba Prezidente Sereloua iha tinan kotuk nia kualidade hanesan prezidente Ecowas prezindensia DAO nia ba vizita Guinea-Bissau tanba nee mak aban kalan sira nain rua sei koalia liu husi Zoom Call para hodi fahe ideias halo abordazen kona-ba saida mak bele ajuda pais Guinea-Bissau.
Hatene muito bem katak se Dao halo ona misaun ba neeba CPLP la konsege no Uniao Africana halo no agora dadauk buka maneira oinsa bele ultrapasa situasaun ida nee iha Guinea-Bissau.
(eme)
