DILI, STLTIMORLESTE.com – Polisia Nasional Timor Leste (PNTL) nia servisu atu lao ho diak no susesu, presiza ema hotu nia apoiu ba komando PNTL ho nia membru sira.
Kestaun nee hatoo husi Segundu Komandante Komisaria Asistente Polisia, Natercia Martins ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Sesta (17/04/2026).
Segundu komandante hatete, maske Komandante Jeral ho Segundu Komandante halo esforsu maibe laiha apoiu husi parte hotu ida nee moss usar tanba nee PNTL nia serbisu susesu ba oin presiza parte hotu nia apoiu.
“Ami rua nia esforsu maibe Timor Oan hotu ninia apoiu, komprende to! Ami nain rua ami nia ekipa tomak ninia esforsu maibe esforsu nee atu atinji ninia susesu nee presiza Timor Oan tomak nia hola parte iha laran sai matan, tilun no ibun ba autoridade neebe kompetente hanesan autoridade polisiais neebe eziste iha ita nia rai,” dehan Segundu Komandante.
Nunee mos Komando Jeral PNTL, Komisariu Afonso do Santos hatete, durante sira nia mandatu karik iha membru ruma involve kazu ruma komando sei halo prosesu tuir prova neebe iha.
“Se karik membru PNTL involve ita halo prosesu seluk laiha, fundamentu ho nia prova no evendensia para,” katak Komando Jeral.
(eme/EST 1)
