DILI, STLTIMORLESTE.com – Prezidente Republika (PR), Jose Ramos Horta halo enklontru ho Konselhu Administrasaun no Investidor sira husi Timor Resources hodi diskute kona-ba dezenvolvimentu enerjia rai maran.
Bainhira remata hasoru malu, Chris McCown, Diretor Jerente Interinu kompanha Timor Resources ba Jornalista iha palasiu Prezidensial Nicolau Lobato Bairru Pite Kinta (16/04/2026) hatete, sira mak maka investidor husi Konselhu Administrasaun no investidor sira husi Timor Resources neebe fura ona posu 3 iha Tasi ibun, buka atu avansa espera katak atu hahu dezenvolve kampu sira.
“Espera katak atu hahu dezenvolve kampu sira produz potensialmente mina no gasiha tempu badak,” katak nia.
Nia hatutan, sira Konselhu Administrasaun no investidor sira husi Timor Resources mai halo enkontru ho Prezidente Republika iha Palasiu Prezidensial Nicolau Lobato deskute progresu esplorasaun enerjia rai-maran nian.
Enkontru nee foka liu ba planu estratejiku kompania nian atu halo tranzisaun husi faze esplorasaun ba dezenvolvimentu rekursu natural sira rai-laran nian, neebe sai hanesan pasu importante ida ba sektor enerjia nasional.
Durante audiensia nee, reprezentante sira husi Timor Resources relata kona-ba susesu perfurasaun ba posu tolu iha rai-maran. Kompania nee espresa sira-nia kompromisu atu kontinua ho dezenvolvimentu ba kapa (fields) sira-nee, ho objetivu atu produs mina no gas iha tempu badak. Inisiativa nee hein katak sei iha papel vital ida hodi dudu dezenvolvimentu ekonomia lokal no infraestrutura.
Chris McCown, Diretor Jerente Interinu kompania nian, sublina katak objetivu prinsipal husi projetu nee mak atu fornese seguransa enerjetika no rekursu enerjia soberanu ba povu Timor-Leste.
Hafoin enkontru ho Prezidente, delegasaun nee sei halao tan diskusaun ho Primeiru-Ministru Xanana Gusmão no regulador governu xave sira seluk hodi koordena faze tuirmai husi projetu nee.
(eme)
