DILI, STLTIMORLESTE.com – Konsellu Ministrus aprova ona projetu Rezolusaun Governu, neebe aprezenta husi Ministru Administrasaun Estatal, Tomás do Rosário Cabral, ba ezonerasaun dirijentes servisu iha Rejiaun Administrativa Espesial Oekusi Ambenu (RAEOA) neebe nomeia liu husi Rezolusaun Governu n. 37/2025, loron 27 fulan-agostu, no nomeasaun ba Prezidente, Sekretariu no Diretor Rejionál sira RAEOA nian.
“Ho Rezolusaun ida-nee, Diretor-Jeral Rejional no Diretor Rejional sira neebe halao hela funsaun hetan ezonerasaun, no Régio da Cruz hetan nomeasaun nuudar Prezidente RAEOA. Nomeia mos Sekretariu Rejional sira maka hanesan Salvador da Cruz, ba Administrasaun no Finansas, Francisco Loca, ba Planeamentu no Dezenvolvimentu, no mos Merita Marques Lafo, ba Asuntu Sosial no Organizasaun Komunitaria,” haktuir nota komunikadu neebe STL asesu husi governu, Kuarta (22/04/2026).
Tuir mai, hetan mos nomeasaun nuudar Diretor Servisu Rejional sira hanesan, Domingos Punef, Adelaide Rosália Faria Correia, Amâncio Aguido Punef, Augusto Jorge de Fátima Efi, Mário Coel, Anita da Costa Ruing, Vicêncio Cono, Odete Amado Martins, André Lao, Remígio Nuno Sila, Yoseph Ili, José Oki, Anastásia Eni, Fátima Olga Hei Amaral, Tomás José Tanessib Anuno, Júlio Coel, Domingos de Almeida, Orlando Quelo, José Ase Neno Colo, Cândido dos Reis Amaral no Jaime Taeque.
Titular kargu sira nee sujeita ba avaliasaun dezempenuu anual, no simu klasifikasaun neebe la satisfatoriu sai baze hodi ezonera sira.
(alb)
