DILI, STLTIMORLESTE.com – Prezidente Republika (PR) Jose Ramos Horta hatete, Primeiru Ministru (PM) Xanana Gusmão halo intervensaun ba problema disputa rai nee atu ajuda buka solusaun.
Prezidente Republika Ramos Horta hatoo kestaun nee ba jornalista iha Farol, Dili, Tersa kalan (21/04/2026) hatete, PM hanesan aman ka pai ba nasaun tanba nee bainhira interven problema konaba disputa rai hodi buka solusaun.
“Maun boot ita labele haree nia hanesan ema ida, nia hanesan ema pai (aman) ba nasaun, nia interven para buka solusaun, nia laos anti ida nee, anti ida neeba, liu-liu nia favor ba kiik sira. Nee duni hau haree iha televizaun maun boot ba buka halo mediasaun ga rezolve hau hanoin nee diak tanba nia hatete ona auditoria neebe governu halo barak nee laos atu halo persigisaun, auditoria nee so para haree problema saida. tanba sa mak problema nee akontese. Oinsa ita hadia tiha instituisaun sira nee, hadia tiha failansu sira nee PM nia opiniaun,” dehan Prezidente Republika.
Ho intervensaun sira nee oinsa ema bele fiar Justisa. Ho intervensaun sira nee fo impaktu ba Justisa ka lae. Hatan bakestaun nee Prezidente hatete bele hatete desizaun husi Tribunal nee laos buat hotu-hotu. justisa halo nee loos, tanba ema balun sai vitima ba buat neebe juis sira halo.
“Tanba juis sira mos ema, sira laos Nai Maromak, sira laos Anju, sira mos ema hanesan ita, sira bele halo julgamentu ruma sala, nee laos iha Timor deit, iha Amerika hau akompanha 100% kuitadu ema hira mak tama kadeia tinan 30- 40 liu tiha mak sira foin hakfodak afinal ema nee inosenti loos, tanba nia prizaun tiha ona iha pena de morte prizaun tinan 40 hein ba ezekusaun nee akontese, europa mak sistema justisa diak liu, Australia mos diak mais rai barak, nunee Timor rai kiik nee duni hau la hatete juis sira justisa 100% loos lae, tanba nee mak ita kria Tribunal Supremu para la simu karik buat ruma iha Tribunal Dili, entau ba Tribunal Supremu Justisa para fo dalan ida tan ba justisa,” hakotu Horta.*
(eme)
