DILI, STLTIMORLESTE.com – Tribunal Judisial Primeira Instansia Dili (TJPID) halao prosesu primeiru interogatoriu ba arguidu nain 4 (4) ho inisial S, IP, YM, no AF, hanesan sidadaun Indonezia.
Arguidu sira lori mai iha Tribunal, husi parte Ministeriu Publiku (MP) promove sira ho krime Trafiku Atividade ilisitu, Konsumu Publiku, Konsumu ilisitu, tuir lei numeru 2/2017 kona-ba kombate trafiku ilisitu ba droga.
Arguidu sira deskonfia, lori no konsumu droga ho tipu Meta Phetamine ka sabu sabu ho Stasi.
Juiz estajiadu Amando Freitas halo tiha identifikasaun ba arguidu sira, depois Juiz deside adia ba iha loron 30/04/2026 hodi kontinua rona deklarasaun husi arguidu sira nian.
Prosesu primeiru interogatoriu nee prezide husi Juiz estajiadu Amando Freitas, Ministeriu Publiku reprezenta husi Prokurador Matias Soares, arguidu sira hetan asitensia legal husi Defensor Publiku, Manuel Amaral, Juvinal Freitas, Anzelmo Pinto Akara, no Advogadu Privadu Aderito Reis.
Tuir regra neebe iha, Juiz turnu halo tiha identifikasaun hotu mak foin tama ba iha faze alegasaun, no ikus mai hodi tama ba iha faze despaisu.
Tuir observasaun STL nian iha TJPID, depois Juiz deside adia ba loron 30/04/2025, Polisia Investigasaun sira kontinua lori arguidu nain 5 ba asegura iha sela polisia.
(ter)
