DILI, STLTIMORLESTE.com – Reitor Universidade Nasional Timor Lorosae (UNTL), Joviano Antonio da Costa hatete, nia la autoriza ema halo asediu seksual iha Kampus, se mak halo sei simu nia konsekuensia tuir lei neebe vigora iha rai laran.
Reitor Universidade Nasional Timor Lorosae (UNTL), Joviano Antonio da Costa hatoo kestaun nee ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kuarta (06/05/2026).
“Klaru asaun sira inklui asaun asedu seksual nee asaun neebe la diak, inmoral, se deit la konkorda ho hahalok ida nee inklui hau ida reitor neebe situasaun rezolve ona husu para labele hamosu tan, labele mosu tan mosu tan, ema sira neebe komete ba asaun sira nee ida nee hau nia posizaun hau la autoriza ema halo ida nee,” dehan Reitor.
Antes nee akontese ona maibe buat hotu liga ho lei no regulamentu tanba nee iha pesoal ida halo asaun ida nia tenke simu nia konsikuensia.
“Pesoal ida kuandu halo asaun ida tenke simu nia konsikuensia, konsikuensia bazeia ba saida bazeia ba lei no regulamentu sira laos dehan ita ba soe tiha ba tasi, entau nia sei kumpre ba asaun nee hasoru lei no regulamentu neebe ejiste iha Timor Leste.
Se nuudar funsionariu publiku iha lei funsaun publiku neebe regula alende nee lei neebe vigora hodi regula sidadaun Timor Leste iha para regula ba nia asaun nee karik ba komarka tenke ba duni, maibe kuandu la too ba iha neeba lalika obriga ba.
Aleinde nia hatete la autoriza no laiha binbing estudante iha uma, iha uma nee familia maki ha neeba laos kampus mak iha neeba.
Nua hatete, nuudar reitor dosente sira binbing estudante iha kareta laran ka uma maibe autoriza mak iha autoriza iha kampu.
(eme)
