DILI, STLTIMORLESTE.com – Governu liu husi Ministeriu Saude (MS) sei iha planu atu halo kolokasaun parteira sira ba area rural neebe iha fasilidade saude.
Hatete Vise Ministru Fortalesimentu Institusional Saúde (V-MFIS), Jose dos Reis Magno ba STL iha salaun City 8, Kuarta (06/05/2026).
Nia esplika, MS haree ba kolokasaun parteira sira iha area rural, Ministeriu Saude nafatin tau iha planu atu haree kolokasaun ba parteira sira iha fasilidade saude sira, tuir programa no planu diresaun nasional kuidadu saude primaria.
“Tanba ita haree deit agora ita la haree ba nivel aas liu, maibe ita haree ba nivel suku sira, laos atu haree katak, tinan ida nee ita rezolve kedas parteira sira nee iha nivel suku lae, ita rekruta parteira sira haree ba kapasidade orsamentu governu nian para oinsa atu trata sira nia kondisaun,” nia dehan
Nia informa, ohin sira hatoo mos kestaun balu liga ho infraestrutura katak, iha nivel suku agora halo konstrusaun ba postu saude sira laos halo deit postu saude lae, maibe agora halo postu saude nee pakote ida ho rezidensia ida ba sira hela hodi halo servisu.
Nia tenik, planu sira nee governu sei rezolve neineik, laos tinan ida atu rezolve dala ida lae, maibe halo uitoan, uitoan para bele rezolve infraestrutura balu ba profisional saude sira.
Iha fatin hanesan, Parteira husi Postu Saude Atsabe, Domingas ilima Gonsalves informa, difikuldade neebe Parteira sira hasoru iha fatin neeba mak estrada.
“Banhira inan isin rua neebe hetan risku ami halo referal labele tanba estrada difikulta tebes ami nia movimentu.
depois menus mos rekursu,” nia koalia.
Nia deklara,Parte Postu Atara parteira ida no mediku ida tanba nee ami presiza tebes rekursu ba parteira tanba nee tenke aumeta rekursu ba parteira no ekipamentu mos sei menus.
“Iha area remotan nee risku neebe boot mak ami hasoru tanba risku neebe ami hasoru la hakerek iha kalendariu. Inan isin rua neebe mai ho risku akontese iha tempu neebe deit tanba nee parteira ida deit difisil atu halo, iha tema parteira katak labele husi inan ida no bebe ida iha kotuk se banhira menus rekursu mak inan no bebe barak ita sei husik hela iha kotuk,” nia hatutan.
Nia deklara,iha Ermera agora dadaun sira prepara hela eskapator iha dala-dalan bainhira pasiente referal entaun eskapator ajuda dada ambulansia hodi liu estrada neebe labele liu.
“Iha sentru saude atsabe postu saude 7, iha postu Atara no suco Atara rasik iha aldeia 6 maibe iha aldeia rua maka labele asesu motor no kareta entaun sira presiza ami nia atendementu kalan ami tenke lao ain kuaze kilometru 4 hodi too sira nia fatin,” nia afirma.
(jen)
