DILI, STLTIMORLESTE.com – Servisu Edukasaun Munisipiu (SEM) Bobonaro nafatin identifika eskola iha area remotas, neebe mak too agora seidauk iha guarda.
Lia hirak nee hatoo husi Diretor Servisu Edukasaun Munisípiu Bobonaro, Miguel Freitas katak, Servisu Edukasaun Munisípiu Bobonaro nafatin halo identifikasaun ba eskola hirak neebe mak too ohin loron laiha guarda eskola, tanba kuaze eskola barak iha area remotas seidauk iha guarda.
“Ita nafatin identifika ita nian eskola neebe too agora laiha guarda, depois mak ita hatoo pedidu ba iha nasional para bele haree asuntu ida nee, tanba kuaze ita nian eskola barak mak seidauk iha guarda, balun iha ona no balun seidauk, nee duni bainhira ita halo identifikasaun hotu, ita sei hatoo ba iha parte nasional,” dehan Miguel ba STL Liu husi telefone, Sesta nee (08/05/2026).
Miguel dehan, laos eskola hotu laiha guarda, maibe balun mak laiha, balun iha ona, agora hirak neebe laiha nee SEM Bobonaro sei hatoo ba iha nasional, oinsa mak bele tau guarda ba eskola sira.
(jac)
