DILI, STLTIMORLESTE.com – Selebra loron restaurasaun independensia ba dala 24, Eskola Basico Central (EBC) 30 de Agostu sei halao deit isar bandeira iha eskola.
Tuir Diretor Eskola EBC 30 de Agostu, Baltazar Borromeu dehan, selebrasaun loron restaurasaun independensia nee ba povu TL tomak, inklui estudante sira hotu nia partisipasaun. Partisipasaun nee bele diretamente iha isar bandeira neebe husi komisaun nasional realiza bá, i bele mos halao iha eskola rasik.
“Iha eskola rasik, ami prepara ekipa hodi hasae bandeira. Neebe loron- loron nee estudante sira treinu hela deit. Neebe antes tama bá loron boot ruma, eskola nee prepara aan ona. Hanesan estudante treinamentu nee preparadu hela deit, bainhira too loron hein halao deit,” dehan Diretur nee ba STL iha Komoro, Segunda (18/05/2026).
Nia hatete, orientasaun husi nasional, kada eskola tenke preparadu aktividade hanesan desportu sira, maibe tinan ida nee isar bandeira deit, maibe bainhira isar bandeira hotu, estudante sira bele halao aktividade desportu hanesan baibain neebe halo iha eskola nee.
(dom)
