DILI, STLTIMORLESTE.com – Bankada Partidu FRETILIN iha Parlamentu Nasional (PN) deskonfia mosu familiarizmu iha prosesu rekrutamentu ba ofisial justisa, tanba kandidatu la tuir teste maiba pasa iha prosesu rekrutamentu nee.
Deputadu Bankada Partidu FRETILIN, Antoninho Doutel Sarmento levanta prosesu rekrutamentu nee iha reuniaun plenaria Parlamentu Nasional, Segunda (18/05/2026).
“Vise Ministru iha rekrutamentu ofisial justisa Defensoria Publika nian neebe kuaze iha lista sira presiza deit ema nain 23 maibe iha lista nee ema pasa hamutuk 107,” lamenta deputadu Antninho Doutel Sarmento.
Nia dehan, prosesu rekutamentu neebe loke ba publiku nee mosu familiarizmu, tanba ema sira la tuir teste naran prienxe numeru kiik husi numeru 1 too 10.
Tanba lista neebe fo sai nee, husi numeru 1 too 10 ema sira nee la partisipa iha teste oral no eskrita nee mak pasa fali.
Tan nee kandidatu sira husu atu anula tiha prosesu rekrutamentu ba ofisial justisa nee, tanba rekrutamentu nee pratika familiarizmu iha laran.
“Entaun husu buka atu hatene situasaun nee, nee mafia kiik oan komesa tama iha laran, ita buka hamosu fali familiarizmu ou grupuizmu iha laran, no ema sira kompete iha laran nee husu atu anula tiha lista neebe mak agora daudaun sira taka sai, se nee tebes husu atu fo solusaun ba problema nee,” dehan nia.
(alb)
