DILI, STLTIMORLESTE.com – Restaurasaun independensia Timor Leste (TL) bá dala 24, bele dehan TL sai ona husi invazaun, neebe tenke iha prinsipiu bá objetivu hodi halo mudansa ba setor edukasaun.
Liafuan nee haktuir husi Diretor Eskola EBC 30 de Agostu, Baltazar Borromeu bá STL iha nia knaar fatin Komoro, Tersa (19/05/2026).
Nia dehan, apresia no louva IX Governu Konstitusional neebe hahu halo dadaun ona desenvolvimentu bá rai ida nee. Infraestrutura laos iha nasonal deit mak halo eviksaun, maibe mós munisipiu no bá postu sira hahu halo dadaun ona.
Ho restaurasaun independensia TL bá dala 24, nee bele dehan TL sai ona husi invazaun tenke iha prinsipiu bá objetivu rasik, hodi halo mudansa bá desenvolvimentu nasional nain. Ema hotu tenke asesu no hola parte iha nivel edukasaun nian.
“TL sai ona husi invazaun nee katak, tenke iha prinsipiu bá objetivu rasik katak, ita tenke halo oinsa atu bele nasaun foun nee ba oin, oinsa bele muda setor edukasaun nee sai diak liutan. Pelumenus ema hotu bele partisipa no involve aan iha edukasaun, atu nunee bele halakon tiha alfabetizasaun iha rai doben ida nee,” dehan nia.
Nia afirma, ema hotu tenke asesu bá edukasaun, bá eskola hodi aprende no aprende liutan. Iha sskola publiku laiha limitasaun bá ema hotu atu bele asesu ba edukasaun. Iha nasional laiha problema kona bá distansia no hela fatin, eskola ohin loron laos deit iha EBC 30 de Agostu maibe iha fatin hotu ema loke eskola. Eskola nee terseiru siclo, ida Mak Marinir, Komoro no Tasitolu.
” Ita hanoin katak eskola nee rasik iha fillial 4 mak Marinir, SD 5 Komoro no 12 de Outobru, neebe atu hakat mai iha nee dok maibe bele asesu iha fatin neeba no eskola privadu seluk neebe iha,” nia tenik.
Nia hatutan, haree bá iha area rural neeba nee buat ketak ida, maibe apresia no louva ho IX Governu Konstitusional, neebe hahu ona halo desenvolvimentu infraestrutura.
” Bá hau nee agora mak ita seidauk senti, maibe aban bainrua sei senti. Tanba rai nee bá oin ema komesa barak, kareta no motor mos barak dadaun entaun asesu fatin laiha ona. Neebe hahu agora tenke halo ona eviksaun para haluan tiha estrada sira, maibe tenke hahu agora,” dehan nia.
Nia hatutan, eviksaun nee laos deit iha kapital Díli maibe husi nasional bá Munísipiu too postu sira. Pesoal, nia fiar governu ida nee sei halo desenvolvimentu nee ho diak.
(dom)
