DILI, STLTIMORLESTE.com – Eskola balun neebe lokaliza iha Munisípiu Ainaro sei menus sala de aula, maibe husi SEM Ainaro koko tau iha planu Ministériu Edukasaun (ME).
Hatete Diretor Servisu Edukasaun Munisípiu Ainaro, Patricio da Costa Magno ba STL liu husi telefone, Sesta nee (22/05/2026).
“Kona-ba edukasaun nee, buat barak mak ita nian edukasaun sira koalia, primeiru ita liga ba iha infraestrutura, ita nian eskola barak iha sala de aula too agora sei menus, tanba nee ita koko tau iha planu ministériu nian, ho nunee ita bele rezolve oituan, atu nunee bele aumenta sala de aula ba ita nian estudantes sira,” katak nia.
Nia dehan, eskola sira iha area remotas balun too agora sala de aula menus no kondisaun eskola presiza halo reabilitasaun no halo konstrusaun foun, maibe ida nee presiza tau iha planu hodi bele rezolve asuntu ida nee.
“Ita nian sala de aula iha eskola balun sei menus, oinsa mak ba oin atu ba aumenta sala de aula ba ita nian estudantes sira, hodi fasilita ita nian estudantes sira iha prosesu ensinu aprendizajen ba ita nian estudantes sira,” katak nia.
(jac)
