DILI, STLTIMORLESTE.com – Jeneral Reformado Lere Anan Timur hatete, problema rai dala barak halo ema oho malu, tanba lei mak fraku.
Jeneral Reformado Lere Anan Timur hatoo kestaun nee liu husi diskursu iha palasiu Prezidensial Nicolau Lobato Bairo Pite, Tersa (26/06/2026) hatete, daudaun nee iha rai laran problema konaba rai, sai komplikadu halo ema too oho malu tanba lei mak fraku.
”Direitu ida tan mak saida, diretu ba moris diak, ita tenke iha uma, ita tenke iha rai, maibe ohin loron, tanba rai dala ruma ita oho mal , tanba saida? Hau hanoin katak ita nia lei mak la forte, ba nain ba rai, entaun ohin loron saida mak akontese, hau nuudar sidadaun timor hau iha diretu ba rai hau iha diretu ba uma, mas lei ida laiha katak ida nee estadu nia rai, ida nee rai privadu,” katak Jeneral Lere.
Jeneral Lere dehan ema hotu iha direitu ba rai maibe lei laiha atu identifika ida neebe mak rai privado no rai estadu, entaun rai privadu nee ema balun bele iha ektare atus 4 atus 5, ohin Prezidente Republika kolia konaba investimentu no dezenvolvimentu mas iha nia rai laiha lei, estadu laiha rai, investor sira mai mos dada-an dada an, tanba sira dehan ba too iha timor, estadu laiha rai, estadu laiha diretu ba rai afinal ema idaidak mak mak diretu ba rai.
“Nee mak hau hanoin katak, ita nuudar sidadaun ita iha diretu no ita iha dever , dever mak saida, nuudar sidadaun garantia ba o nia soberania independensia. Ba militar sira, sira jura hau nuudar sidadaun hau prontu fo hau nia vida ba hau nia nasaun no ba hau nia povu. Ida nee dever obrigasaun sidadaun ida nian,” katak nia.
Alende nee Nia hatutan tan katak dala ruma balun la merese sai sidadun, ema sidadaun ema neebe mak sungue azul, por ezemplu iha nee liuhusi sidadaun sidadania barak, sidadania rua ka tolu, mai ho sidadania portugal, depois sidadania indonezia agora sidadania Timor.
“Hau sidadaun sei rua deit, uluk sidadaun portuges agora sidadaun timor, mas agora iha Timor iha sidadaun tolu, haat too lima, tanba pasaporte mos bar barak , Hau mak Prezidente karik, hau dekreta dehan, timor tenke iha pasaporte ida deit, para sai sidadaun ida deit. Hanesan ita bele dehan katak, nuudar mane nee dala ruma ita iha fen 5 too 6 nee ita nia domin nee ita fahe, mas kuandu fen ida deit nee ita hadomi loloos mak nia, mate ka moris hau hadomi o, mas tanba ita nia konstituisaun, balun iha nee iha pasaporte haat- lima, hau pasaporte ida deit, dala ruma aban bairua hau keta iha pasaporte karik pasaporte portugal nian, so rua nee deit ona, ida nee mak sidadania,” katak Lere.
Nia dehan hanoin katak iha nee, liu-liu ba joven sira, oinsa mak atu sai sidadaun diak, hanesan dever no diretu, iha diretu maibe mos iha dever , dever ida nee mak tenke kumpre nuudar sidadaun Timor.
Atu dezenvolve nasaun nee presiza mak sidadaun diak, ba ema hothotu neebe konsidera ona hanesan sidadaun Timor. Hanesan adehan balun sidadaun arqueraid, balun sidadaun nee sosa deit. la hatene iha timor akontese ka lae, dala ruma iha, tanba haree Indonezia nia ema iha pasaporte timor, iha tan kartaun eleitoral Timor, tanba saida mak rai seluk bele hetan sidadaun ida nee.
“Uniku Timor, uniku instituisaun, uniku elementu mak bele fo pasaporte ba ema rai seluk nee Prezidente Republika, nia mak iha kompetensia ema seluk labele fo, la hatene Prezidente Tribunal Rekursu, bele fo ka lae nee la hatene, mas hau hatene katak iha konstituisaun Prezidente mak bele iha kompetensia fo pasaporte ba ema china ka saida naran nia servisu ba ita nia rai. Mas se servisu ba interese seluk hau hanoin katak, mos laiha diretu ba ita nia pasaporte ka ita nia kartaun eleitoral Nee mak fo hanoin ba maluk sira, katak nuudar sidadaun timor ita nia dever obrigasaun ita tenke kumpre,” katak nia.
Nia hatutan sidadaun diak moris iha sidade mos sidadaun tenke mos, tenke kuidadu ba o nia sidade ka o nia knua ka nia postu ho aldeia, atu sai sidadaun diak tenke haree o nia maluk sira diak, labele ida mak o nia inimigu ida fali o nia amigo, ida nee laos sidadaun diak. Kuandu hothotu sai sidadaun diak hanoin katak nia nasaun ninia dezenvolvimentu, ninia progresu bele lao ba oin.
Nia hatutan tan katak Prezidente koalia konaba okupa numeru I iha Asia nee mas hanoin katak Prezidente tuir lere nia hanoin katak ida nee teoria, mas ba realidade dala ruma realidad rasik la koresponde.
(eme)
