DILI, STLTIMORLESTE.com – Embaixador Timor Leste ba Korea, Antonio Benevides husu trabalahador Timor-oan iha Korea labele komete krime, tanba bainhira komete ona krime embaixada sei labele rezolve.
Embaixador Timor Leste ba Korea, Antonio Benevides hatoo lia hirak nee ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Tersa (26/05/2026).
Embaixador hatete, trabalhador atu sai husi sistema ka lae? importe mak labele komete krime, se komete krime embaixada rasik labele rezolve no kumpre ema nia lei ba prizaun tinan 4 ka 5 tuir attitude neebe halo pois mak sei deporta fila tanba nee husu Traballador sira labele komete krime.
“Hau hanoin adidu trabalhu sira primeiru lugar hau dehan mak nee, neste momentu ekipa neebe ami iha nee servisu kapaas tebes, SEFOPE haruka adidu trabalhu nomos asistente adidu trabalhu sira neebe ami forma ekipa diak tebes iha embaixada, ami fo asistensia tuir ami bele ba ita nia maluk trabalhador sira iha neeba, buat neebe ami rekomenda nafatin mai iha SEFOPE mak nee, ita tenke prepara ita nia alin trabalhador sira nee ho diak, laos deit kestaun lingua, maibe iha mos skil baziku neebe iha para presiza ita nia alin sira nee iha netik skill baziku,” dehan Embaixador TL ba Korea.
Ezemplu sira neebe mak ba iha area peskas nia ida nee presiza hatene oituan oinsa mak nani tasi oinsa mak hatene uza jake tba seguransa nia buat sira nee mak importante tebes embaixador rekomenda mai SEFOPE para atu fo formasaun ida nee antes Traballador sira nee desloka ba Korea labele haree deit ba iha lingua deit. Lingua presiza tebes maibe skil mos tenke iha.
Oinsa trabalhador neebe halai sai husi Sitema hatan ba kestaun nee embaixador hatete sira neebe halai sai husi Sistema laos Timor oan deit maibe Traballador husi nasaun seluk mos halai sai husi Sistema.
“Sira neebe sai husi Sistema buat ida ita hatete katak ses husi Sistema laos Timor Leste deit ita nia iha neeba Traballador husi nasaun barak mak sai husi Sistema, sai husi Sistema nee laos tanba laiha skill deit lae I dala ruma mos mosu violasaun kontratu neebe ke ita nia kompanha sira iha neeba mos la kumpre no dala ruma ita nia alin sira mos la kumpre parte sira nee hotu entau bele mosu problema sira hanesan nee, balun mos tanba duni skill neebe la responde hanesan ita hatete iha tasi dala ruma sira nia skill ida nee sira latoman too iha neeba sira ses maibe buat ida hau hakarak hatete mak nee katak ses husi Sistema nee laos Timor oan deit nasaun barak mak ba iha neeba mos ses husi Sistema,” katak nia.
Embaixador hatete iha Korea buat neebe sira iha embaixada tenke korajen trabalhador sira mak husu labele komete krime.
“Buat neebe ami korejen ita nia alin sira mak labele komete krime Sistema ou la Sistema buat ida ami hatete liu mak ida nee labele komete krime, o bele iha Sistema nia laran maibe o komete krime ema haruka fila dadaun ou ses husi Sistema o komete krime aat liu tan ema haruka fila, kuandu tama ona krime embaixada sei lahakbesik atu rejolve,” katak Embaixador.
Embaixador hatete buat sira nee sempre mosu laos timor oan deit ezemplu ladun toman iha Timor fihir ema babain deit maibe ema nia rai labele fihir ema arbiru fihir ema nee iha fatin neebe lalais deit hateke ema kleur demais mos ema lagosta satan liman ba kaer ema arbiru, buat sira nee dala ruma bele akontese maibe ida nee porsaun neebe kiik los.
Tanba bainhira sira sai husi Timor mos Sefope Brifing hela ba Traballador sira too iha korea embaixada Timor fo nafatin brifing balun rona ho diak maibe balun rona ladiak komete.
Nunee mos konaba Trabalahador neebe halai sai husi Sistema iha ema nia lei iha Korea embaixada laiha ema ida ba hatete katak halai sai husi Sistema be kaer haruka fila nee lei korea lahatete tanba nee tenke respeita lei nee.
“Agora embaixada ka ou Sefope maibe Sefope mak kaer politika ida nee atu haree katak sira neebe halai sai husi Sistema haruka fila kalae? Nee politika husi Sefope nia maibe sefope mos labele bai ha neeba adidu sira mos labele ba hatete ba imigrasaun hatete ba ema sira nee katak kaer tiha nia tanba nia illegal nee ema nia lei laharuka ida nee, maibe kuandu komete krime nee lalika ba hatete fali ida nee CCTV mak hatudu polisia ba foti deit haruka fila kuandu tama ona ida nee ita lahalo buat ida,” katak Embaixador.
Nia hatete, durante tinan ida hamutuk ho Traballador Timor oan iha korea sira nia komportamentu displina lao diak tebes. Komu ema barak labele kontrola ida rua nia hahalok maibe enjeral komportamentu diak.
Embaixador hatete trabalahador barak mos halo tratamentu tanba makina tesi liman bainhira halao serbisu hela no iha Roo laran tali baku entau halo konsulta maibe kompanha responsaliza bainhira akontese iha serbisu fatin.
Nia hatete trabalhador neebe halai sai husi Sistema nee latuir ona regra, maibe buat ida neebe mak importante mak labele komete krime, se komete krime deporta fila maibe antes deporta sei kumpre lai prizaun tinan 4 ka 5 foin fila.
(eme)
