DILI, STLTIMORLESTE.com – Komunidade Musulmanu iha Timor Leste (TL) ohin selebra idul Adha 1447 Hijiriah, liu husi reza hamutuk iha masjid Kampung Alor.
Prezidente konselhu Kuardor fundasaun An-Nur Dili, Abdula Bim Said Sagram hateten, komunidade musulmamu konsidera loron idul adah hanesan loron neebe sagradu tebes, tanba hanesan obrigasaun husi Subhanahu wa ta’ala
Tuir nia, oras nee komunidade musulsamu sira husi nasaun oin-oin halo hela perigrinasaun iha Mekah, Arab Saude, tanba ida nee hanesan obrigasaun ida husi Allah Subhanahu wa ta’ala
Nia dehan, tuir lo-loos komunidade musulmanu tenki hola parte iha selebrasaun nee, maibe depende ba ema idak-idak nia kondisaun fiziku no ekonomia uma laran.
Tan nee ema neebe iha posibilidade bele ba partisipa iha selebrasaun loron importante iha Mekah, Arab Saudi, maibe sira neebe labele lao too fatin refere bele reza hamutuk deit iha Timor Leste.
“Maibe sira neebe iha posibilidade bele too iha neeba (Mekah) se la ba hanesan pekadu boot, agora sira neebe la ba mak neebe ita selebra no reza hamutuk iha nee,” katak nia ba jornalista sira iha Mesjid Anunur Kampu Alor, kuarta (27/05/2026).
Nia hatutan, loron referidu ligadu ho istoria profeta Abrão ho profeta Ismael, tanba Maromak fo mandatu ba Abrão atu oho nia oan Isamel.
“Ida nee ita bele dehan katak nia fee sai ezemplu ba umanidade ba mundu, Katak ita tenke halo sakrifisiu ba komunidade sira seluk. Ida nee mak ami prepara karau 15 ho bibi 4, orsida ita sei kua fahe hotu ba komunidade kbiit laek sira,” katak nia.
Nia fundamenta, ida nee hanesan solidariedade, se mak iha fee diak nia sente ema sira neebe terus nia fo sakrifisiu.
“Entaun Idul Adaha hanorin ita atu fo sakrifisiu ba sira seluk neebe terus,” dehan nia.
Entretantu, tuir observasaun STL iha selebrasaun Idul Adha 1447 Hijiriah neebe halao iha Masjid Kampung Alor nee hetan partisipasaun masimu husi komunidade musulmanu sira no hetan mos seguransa husi Polisia Nasional Timor Leste (PNTL).
(tom)
