ERMERA, STLTIMORLESTE.com – Daudaun kazu HIV iha Munisipiu Ermera hamutuk nain 53 no husi numeru nee nain 7 mak lakon vida nomos restu seluk daudaun nee halo tratamemtu.
Nia dehan, iha Munisipiu Ermera kazu moras HIV rejistu 2011 too mai agora 2026 nee rejistu hamutuk 53.
“Husi numeru 53 iha nain 20 resin halo tratamemtu nomos 20 resin halo tratamemtu iha Munisipiu Ermera, maibe iha 2025 nee ita nia kazu husi 53 iha Munisipiu Ermera nee mate nain 2, dadus akumulativu ho nasional nian hamutuk mate nain 7,” hatete Coordenador Programa HIV/MHRS, Servisu Saude Munisipiu Ermera,Valente Arcanjo Belo ba jornalista sira iha Suku Matata, Postu Administrativu Railaku, Munisipiu Ermera, Kuarta (27/05/2026).
Nia teknik, nain 53 daudaun nee halo ona tratamemtu hemu aimoruk ARV, maibe sira la mai simu aimoruk iha Sentru Saude Ermera no Postu Saude Ermera, maibe konselor sira mak lori aimoruk ba sira nia uma kada fulan.
Iha fatin hanesan, Institutu Nasionál Kombate HIV-SIDA (INCIDA), Daniel Marcal esplika, kazu foun HIV daudaun iha Munisipiu Ermera hamutuk nain 53 no husi numeru nee Postu Administrativu Railaku nee rejistu ona nian 8.
“Ita haree nain 8 nee barak ona, sei transmite husi relasaun seksual nee barak, agora ema nain 8 nee husi Dili mak mai ga, ema rai nain Postu Railaku, tanba nee ita tenke antisipa lalais,” nia Informa.
Governante informa, komunidade Railaku tenke taka estrada HIV nian nee, tamba iha Postu Railaku nee bee matan ualu (8) nee perigozu ba saude no ba joven sira nia futuru.
“Iha Postu Railaku nain 8, nee signifika iha bee matan ualu, maibe se mak ba ona kuru bee nee, nee kuidadu sei la tes raan agora no la hemu tan aimoruk nee ita ba aldeia la fila ona, tanba ita susar atu identifika, neebe idak-idak tenke iha konhesimentu ba ita nia aan rasik, hodi taka dalan ba HIV,” nia afirma.
(jen)
