DILI, STLTIMORLESTE.com – Banku Dezenvolvimentu Aziatiku ADB apoiu Timor Leste adere ba ASEAN hahu iha 2012 no ba oin kontinua apoiu nafatin too TL adere full ba membru ASEAN.
Kestaun nee hatoo husi Coutry Diretora ADB, Stefania Dina ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (28/05/2026).
“ADB nia apoiu Timor Leste ba ASEAN komesa kedas iha 2012 laos iha parte area ida deit maibe maibe foka liu ba area hotu hotu liu liu iha area ekonomiku neebe ami fo mos formasaun ba membru Governu sira para oinsa bele apoiu ona Timor Leste nia adezaun ba ASEAN,” dehan Diretora ADB.
Nia dehan ADB nia apoiu mos laos ba parte ida deit Timor Leste nia adezaun ba ASEAN deit maibe futuru ADB sei apiou nafatin fo apoiu ba Timor Leste nia adezaun full membru ba ASEAN.
Diretora ADB hatete durante nia mandatu iha Timor Leste atinjimentu neebe iha mak apoiu konaba atinzimentu sira neebe signifikante liu mak ida neebe apoiu Timor Leste ba adezaun ASEAN nian, ida nee mak importante tebes.
Maibe iha parte sira seluk mos hanesan, infraestrutura sira hanesan aeroportu, estrada sira, no mos ho dezenvolvimentu ba parte seluk hanesan mobilizasaun ba iha grant sira, ida nee hanesan parte atinzimentu neebe liuliu mak ida konaba oinsa atu haforsa konfiansa entre ADB ho governu TL para atu halo servisu hamutuk, ida nee mak Azintimentu neebe diak.
Nia hatete iha hasoru malu nee Prezidente Republika laiha rekomendasaun espesifiku ida maibe koalia barak liu ba iha agrikultura neebe foka liu ba agrikultura sustentavel.
“Prezidente mos koalia konaba oinsa bele fasilita transporte ba agrikultura ba ita nia povu sira ida nee, Tamba haree mos ba rolling neebe Estefania sei asumi nuudar Diretora ba agrikultura nian, entaun ida nee mak sei koalia liu, kobre ba kafe, kobre ba produtu Timor nian neebe bele reforsa tan para bele ba iha merkadu internasional.
Nia hatutan tan katak, durante nia mandatu, mobiliza ona kuaze emprestimu ida, ho montante 75 milloens, no mos ho grant lubuk ida mak durante nia mandatu mobiliza, purtanto de valor de 10 milhoens ba leten.
Ida nee kobre ba area lubuk ida, importante ba long emprestimu nee, foka liu ba iha transportasaun, ba estrada. Maibe iha mos mobiliza grant ba estrada, iha parte area sira seluk hanesan edukasaun, agrikultura no seluk tan.
(eme)
