DILI, STLTIMORLESTE.com – Coutry Diretora ADB, Stefania Dina nia mandatu nuudar Diretora ADB remata ona iha Timor Leste, ohin mai despede ho Prezidente Republika, Jose Ramos Horta antes fila ba Manila.
Bainhira remata hasoru malu, Coutry Diretora ADB, Stefania Dina ba jornalista sira iha Palasiu Prezidensial Nicolau Lobato, Bairo Pite, Kinta (28/05/2026) hatete, ohin halo despedida ho Prezidente Republika tanba nia mandatu remata ona iha Timor Leste.
“Vizita ohin hanesan vizita atu despedida tanba hau nia mandatu nuudar Coutry diretora ADB remata ona iha Timor Leste tanba mandatu tinan 3 ona no sei fila fali ba manila,” dehan Diretora ADB.
Diretora ADB hatete iha hasoru malu nee koalia konaba despedida ho Prezidente Republika alende nee koalia mos assuntu seluk tan.
“Ohin iha assuntu lubuk ida mak ami koalia importante mak konaba ASEAN neebe apoiu ADB nia apoiu Timor Leste ba iha ASEAN no assuntu seluk mak konaba assuntu ekonomiko ida nee mak ohin koalia ho sua exelensia Prezidente Republika, depois liu liu mak koalia konaba parte agrikultura,” katak nia.
Nia hatete, nia mos sei sai hanesan diretora iha ADB nia neebe haree assuntu konaba agrikultura iha Manila.
Iha hasoru malu nee rekomendasaun saida mak Diretora ADB husik hela, hatan ba kestaun nee Diretora dehan, ohin loron laiha asuntu espesifiku konaba rekomendasaun ka saida maibe importante diskute ohin mak konaba oinsa mak diversifikasaun ekonomiku liu liu Governu neebe dadaun nee halao hela ajustamentu ba orsamentu neebe bele benefisia ba povu Timor Leste.
Iha hasoru malu nee Prezidente Republika Jose Ramos Horta kongratula serbisu neebe Diretora ADB halo iha mandatu tinan 3 iha Timor Leste.
No iha hasoru malu nee Prezidente Republika laiha rekomendasaun espesifiku ida maibe koalia barak liu ba iha agrikultura neebe foka liu ba agrikultura sustentavel.
Iha hasoru malu nee Prezidente Republika foka makaas mos hodi koalia konaba oinsa bele fasilita transporte ba agrikultura ba povu sira tanba haree mos ba rolling neebe Diretora ADB Estefania sei asumi nuudar Diretora ba agrikultura nian, entaun ida nee mak sei koalia liu, kobre ba kafe, kobre ba produtu Timor nian neebe bele reforsa tan para bele ba iha merkadu internasional.
(eme)
