DILI, STLTIMORLESTE.com – Asesor Prinsipal Prezidensia Republika, Tenente Jeneral Reformado Lere Anan Timur hatete, labele miniza istoria rezistensia no ema neebe minimiza rejistensia ema nee uluk lakohi ukun rasik aan.
Asesor Prinsipal Prezidensia Republika, Tenente Jeneral Reformado Lere Anan Timur hatoo kestaun nee ba jornalista sira, bainhira remata partisipa seminariu Nasional iha salaun UNPAZ, Sesta (29/05/2026) husu ema hotu labele minimiza Rejistensia, ema neebe minimiza ema nee uluk lakohi Timor ukun rasik aan.
Tenente Jeneral Reformado Lere husu foinsae sira tenke hatene istoria ukun rasik aan nunee labele minimiza rezistensia.
“labele minimiza rejistensia nee presiza hatene istoria liu liu ba jerasaun foinsae sira, se ohin loron balun minimiza rezistensia tanba uluk la rejiste no lakohi ukun aan nemak minimiza rezistensia nee,” dehan Lere.
Tenente Jeneral Reformado Lere dehan ema rejistensia tenke fo valor ba malu abele minimiza malu se bainhira ema rejistensia minimiza malu ema seluk aproveita hodi minimiza liu tan tanba nee Jeneral husu foinsae sira tenke hatene istoria.
Tanba nee liu liu ba veteranus rejistensia nia ema tenke fo valor ba malu se ita rasik mak minimiza malu sein duvida ema seluk bele aproveita tanba nee mak jerasaun foinsae sira imi tenke hatene istoria para konta istoria nee husi jerasaun ba jerasaun laiha rohan.
Nia hatete, joven uluk inklina aan kuandru ka la kuadru, komandante ka la komandante importante agora tenke valoriza malu, maibe ema rezistensia nia ema mak la valoriza malu ona entau ema seluk sei desvaloriza liu tan.
(eme)
