DILI, STLTIMORLESTE.com – Governu Tailandia suporta Casa Vida entrega ona finanseiru ho montante hamutuk US$ 3,100 hodi responde ba violénsia ba jéneru hasoru feto no foin sae sira iha Timor Leste (TL).
“Ita entrega ona finanseiru ajuda ho montante hamutuk US$ 3,100 ba Casa Vida, hodi suporta sira nia apoiu hodi responde ba violénsia ba jéneru hasoru feto no foin sae sira iha Timor Leste,” hatete Embaixador Tailandia iha Timor Leste, Atipat Rojanapaibulya ba jornalista sira iha fatin Embaixada Thailand Falor, Dili, Tersa (02/06/2026).
Nia dehan, iha okaziaun ida nee Embaixador nee hatoo fali kompromisu makaas Tailandia nian apoia ba Timor Leste atu responde ba violensia ba Jéneru hasoru feto sira.
“Ita umana hodi promove empoderamentu feto no labarik sira nian iha Timor Leste liu husi kooperasaun iha area publika, edukasaun no dezenvolvimentu ekonomiku,” nia esplika.
Iha fatin hanesan, Diretora Ezekutivu Casa Vida, Alzira Pereira hatoo nia agradesimentu ba kontinua husi Embaixada Thailand neebe eforsu kolaborativu sira entre Embaixada no Fundasaun nian.
Nia deklara, Gastronomia Tailandia iha Aroma Cafe neebe halao iha loron 23 Marsu 2025 no doasaun regularár husi Embaixada kona-ba sasán esensiál sira ba Fundasaun. Uma Vida sei uza fundu doasaun hodi finansia fornesimentu uma mahon, ai-haan no formasaun vokasional ba feto no foin sae Timor-oan sira neebe sai vítima husi Violensia Bazeia ba Jeneru.
Nia dehan, ba Fundasaun nee marka okaziaun Auspicious husi Liurai Feto, Liurai Feto nia aniversáriu siklu da-haat iha loron 3 fulan Junhu tinan 2026. Nia Majestade Liurai Feto sai nuudar advogadu ida neebe metin ba feto sira nian kria no protesaun labarik. Kolaborasaun ida nee ezemplu kompromisu husi nia Majestade atu hadia feto no labarik sira nia moris.
(jen)
