DILI, STLTIMORLESTE.com – Prezidente Republika (PR), Jose Ramos Horta konta Istoria Timor Leste nia iha palestra majistral konaba lideransa no diplomasia rejional iha Eria School Of Government, iha Jakarta.
Prezidente Republika Jose Ramos Horta hatoo lia hirak nee ba jornalista sira, bainhira remata vizita trabalhu ba Singapura no Indonezia fila hikas mai TL iha Aeroportu Internasional Nicolau Lobato, Kuarta nee (03/06/2026).
PR hatete, durante palestra majistral konaba lideransa No diplomasia rejional iha Eria School Of Government, Iha Jakarta Prezidente konta proseseu Istoria TL nia.
“Koalia konaba istoria Timor ho indonezia, desizaun neebe lideransa halo hau sempre temi koalia konaba lideransa harii nasaun nee lori nasaun nee ba vitoria ba referendum ho susesu boot ba klasifikasaun, rekonsiliasaun nasional normalizasaun relasaun ho indonezia nee iha lider ida mak halo, nia mak inspira nia ho nia autoridade boot nee maun boot Xanana,” dehan Prezidente Republika.
Prezidente dehan, orador balun neebe koalia iha aprezentasaun palestra iha Eria School Of Government, Iha Jakarta iha aprzentasaun temi bebeik Prezidente Republika nia naran maibe Prezidente rasik aprezenta fali katak uluk nia kumpre deit orientasaun neebe mai husi rai laran.
“Kumpre deit orientasaun neebe mai husi laran husi lider boot Xanana, hau konta mos oinsa premeiru vez istoria iha mundu dadur politiko ida prezu politiko ida enkontru ho xefe mundial ida mak Nelson mandela, hau mak organiza enkontru nee ho maun boot Xanana uluk iha Cipinang hau ba abre do sul ho esforsu makaas hasoru Prezidente Mandela husu ba nia favor ita atu ba indonezia hau hatene favor buka hasoru ami nia lider iha prizaun, Soharto mai husi Mandela Soharto simu duni sira ba foti maun boot Xanana husi Cipinang lori ba istana Merdeka kalan nee Jantar ho mandela, mandela fila ba abre do sul bolu hau para nia konta enkontru ho maun Boot Xanana nia hatete nunee o nia lider nee ema ida impresionadu nia admira los, buat sira nee hau konta iha ERIA,” katak PR Horta.
Prezidente Republika hatete, nia konta luta istoria Timor Leste nia iha ERIA ida nee hatudu lideransa, no programa nee konaba lideransa. No konta mos Oinsa Xanana direze negosiasaun ho ONU ba referendum, nia tau forsa TL ba akontonamentu.
Desizaun akontonamentu nee mak salva duni ita selae Guera sivil, ema ida halo desizaun nunee matenek ho ran malirin iha momentu neeba, no programa nee konaba lideransa no fo ezemplu ba lideransa no momentu saida iha situasaun no desizaun neebe difisil.
Iha neeba diplomata lubuk ida mos iha hodi koalia konaba situasaun internasional ke falta lideransa iha mundial tanba nee mak funu tun sae maibe Timor moris hakmatek nafatin.
Prezidente ba Jakarta Konvidadu nuudar orador onra ba edisaun da haat husi Leadership Lecture Series neebe prestijiadu, Xefe Estadu partisipa iha forum nivel aas ida neebe promove husi Economic Research Institute for ASEAN and East Asia (ERIA).
Inisiativa nee halibur líder rejional, desizor polítiku, akademiku no espesialista sira ho objetivu atu haburas hanoin estratejiku, hametin governasaun no haklean kooperasaun iha Sudeste Aziatiku.
Ho tema Lideransa iha Tempu Perigozu Direitus Umanus, Konstrusaun Nasaun, no Diplomasia Rejional, Prezidente Ramos-Horta fahe reflesaun sira kona-ba luta istoriku Timor-Leste nian ba ukun rasik an no kona-ba ninia esperiensia vasta iha mediasaun no rezolusaun ba konflitu internasional sira.
(eme)
