DILI, STLTIMORLESTE.com – Prezidente Republika (PR), Jose Ramos Horta ho Sekretariu Estadu Adjuntu Desombre esplora dalan estratejiku sira, hodi haburas programa bilateral sira, promove estabilidade rejional.
Iha loron Kinta (04/06/2026) Prezidente Republika, Jose Ramos Horta simu Sekretariu Estadu Adjuntu Estadus Unidus Amerika ba Asuntus Azia Leste no Pasífiku, Michael George Desombre, iha Aeroportu Internasional Nicolau Lobato no lori nia ba akomodasaun ho Prezidente nia mini Moke, nuudar parte husi vizita ofisial loron rua enviadu amerikanu nian iha Timor Leste iha loron 4 too 5 Junhu 2026.
Durante sira-nia diskusaun, Prezidente Ramos-Horta no Sekretariu Estadu Adjuntu Desombre esplora dalan estratejiku sira hodi haburas programa bilateral sira, promove estabilidade rejional, no impulsiona involvimentu ativu Timor-Leste nian iha forum rejional no internasional oioin.
Vizita nee koinside tebes ho komemorasaun neebe lao hela ba loron independensia EUA nian ba dala-250, neebe serbi nuudar baze forte ida hodi reafirma nasaun rua nee nia valor komun sira hanesan liberdade, demokrasia, soberania, no autodeterminasaun.
Dialogu nee remata ho reforsu mutuu ba objetivu estratejiku sira iha rejiaun Indo Pasífiku. Estadus Unidus Amerika sublina ninia kompromisu metin atu kontinua servisu besik ho Timor-Leste hodi hametin liutan ligasaun bilateral sira, apoia esforsu integrasaun rejional nasaun nian, no avansa objetivu komun sira ba pas, seguransa, no prosperidade neebe metin.
Sekretariu Adjuntu ba Asuntus Azia Leste no Pasífiku Michael George DeSombre konklui vizita loron rua mai Timor-Leste iha loron 4-5 Junhu 2026, hodi reafirma parseria metin no kleur ona entre Estadus Unidus Amerika no Timor-Leste no avansa kooperasaun kona-ba prioridade rejional no global hamutuk.
Durante nia vizita, Sekretariu Adjuntu DeSombre hasoru malu ona ho Prezidente Ramos-Horta hodi halo diskusaun kona-ba dalan hirak ba kooperasaun bilateral neebe diak liutan, estabilidade rejional, no Timor-Leste nia envolvimentu iha forum rejional no internasional. Nia mos hasoru malu ho Primeiru-Ministru Gusmão hodi avansa kolaborasaun kona-ba prioridades hamutuk no sublina amizade kleur ona entre nasaun rua nee.
Vizita nee koinside ho Estadus Unidus Amerika nia komemorasaun independensia Amerika nian ba dala 250 Amerika nia Liberdade 250 hodi reforsa valor hirak neebe fahe ba malu hanesan liberdade, demokrasia, soberania, no autodeterminasaun neebe sai aliserse forte ba E.U.A.-Timor-Leste nia parseria.
Estadus Unidus Amerika iha nafatin kompromisu atu serbisu hamutuk ho Timor-Leste hodi hametin ligasaun bilateral, apoia envolvimentu rejional, no avansa objetivu komun sira ba pas, seguransa, no prosperidade iha rejiaun Indo-Pasífiku laran.
(eme)
