DILI, STLTIMORLESTE.com – Previzaun tempu bá loron ohin Sesta no bá fim de semana (05-07/06/2026), atensaun espesial ba velosidade anin iha rejiaun Kosteiras tantu iha Kosta Norte kuantu iha Sul.
Tuir informasaun neebe STL asesu husi media sosial Diresaun Nasional Metereolojia no Geofisika (DNMG) katak, velosidade anin ba loron ohin no ba fim de semana, sei kontinua persiste varia husi moderadu/naton ba forte (18-25 km/h) prinsipalmente iha rejiaun Kosteiras, tantu iha Kosta no iha Sul, liu-liu iha munisipiu sira neebe ho marka kor kinur sabraka/laranja, detalhu liu bele haree iha (tabela) anexu.
Entretantu kondisaun laloran tasi atensaun espesial bá laloran tasi nia aas iha Kosta Norte kuantu iha Sul preferensialmente iha fim de semana.
Laloran tasi nia aas ba loron ohin no ba fim de semana sei varia husi normal ba moderadu iha Kosta Norte (0.3-1.0 m), enkuantu iha Kosta Sul mak kondisaun refere sei varia husi moderadu ba forte (1.4-1.8 m).
Kondisaun tempu Ministerio dos Transportes e Comunikasaun (MTC) liu husi DNMG observa no prevista em jeral katak kondisaun atmosfera ba loron ohin no ba fim de semana sei estavel, maibe ho topografia no lokalizasaun geografika assosia ho fator lokal sira iha ilha Timor nian, sei kontinua favorese udan ho intensidade chuviska ba fraku liu-liu iha Kosta Sul no Rejiaun Central, preferensialmente iha parte foho durante periodu loraik ba inisiu kalan.
Husu ba komunidade sira neebe lokaliza iha rejiaun kosteiras parte sul no leste atu kontinua atensaun ba velosidade anin neebe sei kontinua huu ho velosidade mideradu ba forte kuaze iha territoriu nasional.
Nunee mos ba maluk peskador sira neebe mak halao atividade peska iha tasi laran no maluk viajantes sira ho transporte maritima atu bele toma maxima atensaun ba kondisaun laloran tasi nian tantu iha Kosta Norte kuantu iha Sul.
(dom)
