DILI, STLTIMORLESTE.com – Prezidente Republika (PR), Jose Ramos Horta hatete, atu kriminaliza kazu labarik minoridade naok telefone, la presiza altera kodigo penal (KP), maibe importante harii prizaun infantil, nunee bainhira labarik minoridade komete bele kumpri sentesa.
Prezidente Republika Jose Ramos Horta hatoo kestaun nee ba jornalista sira iha Hotel Timor, Kuarta (10/06/2026) hatete, la presiza atu altera kodigo penal, tanba lei nee diak ona presiza mak Governu iha planu harii tribunal juvenil, nunee labarik neebe minoridade komete krime hanesan naok telefone ka naok sasan seluk bele kumpri sentensa.
Prezidente Republika hatete, laiha nesesidade atu altera kodigo penal, maibe halo mak sentru rehablitasaun ou prizaun infantile, iha Amerika iha kuandu labarik menus 15 anos laharuka ba prizaun maibe ba fatin ida bolu sentru sosial ka rehablitasaun, maibe laos halo tratamentu espesial ba sira selae fatin nee hanesan fali ferias maibe tenke iha funisaun.
Prezidente Republika hatete, lei sufisiente ona lalika buka alterasaun tun sae naok telephone, krime nee akontese babain iha Timor Leste no iha mundu no laos krime ida ida akontese buka kedas halo alterasaun ba kodigo ruma, lei nee sufisiente maibe maibe buka evita mak halo jeneralizasaun ba joven sira.
Joven nain rua tolu no grupu oan ida ke halo krime naok telephone ou naok sasan, motor nee normal tanba kauza sosiedade hanesan Timor nia.
Lei kodigo penal kleur ona eziste husi tempu Indonezia husi lejislasaun nasional Timor nia lei nee sufisiente lalika muda, kadaves buat ruma akontese mak foin hanoin atu muda hodi halo emenda ba kodigo penal ka saida.
Antes nee mos Governu planu harii sentru Juvenil nunee bele hatama labarik minoridade neebe komete krime, depois mak entrega ba inan aman? Oinsa Prezidente nia hanoin ba ida nee hatan ba kestaun nee Prezidente Republika hatete klaru presiza iha sentru Juvenil nunee bele hatama labarik minoridade neebe komete krime nee.
“Nee klaru tenke halo laiha nesesidade atu altera kodigo penal ka buat sira nee, halo mak sentru rehablitasaun ou prizaun infantil iha Amerika iha kuandu labarik menus 15 anos laharuka ba prizaun maibe ba fatin ida bolu sentru sosial rehablitasaun, maibe laos halo tratamentu espesial ba sira selae fatin nee hanesan fali ferias maibe tenke iha funisaun komforme direitus humanus komforme dignidade, labele mos ema sira nee tanba joven iha mos oportunidade para rekopera aan,” dehan Prezidente Republika.
Liga ho kazu naok telephone neebe hamate sidadaun feto ida maibe autor nee minoridade ho assuntu nee Prezidente hatete liga ho kazu nee labele fo livre maibe tenke iha forma ida rekoila ba fatin ida labele hamutuk ho adultu sira haree urjente fatin ruma, maibe dadaun nee enkuantu laiha labarik minoridade nee tenke ba duni prizaun Gleno ka Bekora maibe fatin espesial temporariu.
Xefe Estadu hatete, durante nee PNTL halo serbisu diak los krime iha Timor leste minimu liu iha Dili laran, laiha asaltu ba loza sira ka banku no laiha omesidiu barak, maibe problema neebe barak liu mak violensia domestika ka numeru aas ida nee mak difisil atu kontrola tanba polisia labele halo kontrola iha uma laran nee inposivel.
Problema boot liu iha Timor mak violensia domestika maibe ida nee laos hanesan omesidiu oho ema ka politika ka relizaun, tanba nee polisia bele deit halo patrolamentu iha estrada iha bairru maibe problema boot liu mak violensia domestika.
(eme)
