DILI, STLTIMORLESTE.com – Daudaun nee stok aimoruk iha Instituto Nacional de Farmácia e Produtos Médicos (INFPM) lao normal, maibe tenke kontrola hodi evita expire ka prazu liu.
Nia dehan, aimoruk stok disponivel iha Armazen INFPM 85% nomos iha 15% mak stock out.
“Ita nia stok neebe mak agora daudaun disponivel iha INFPM, husu EDL nian mak 85% disponivel, husu 15% mak stock out,” hatete Diretór Servisu Kompras iha Institutu Nasionál Farmásia Produtu no Médikamentu (INFPM), Sergio da Costa Belo ba jornalista sira iha nia knaar fatin armazen INFPM Kampung Alor Dili, Kinta (11/06/2026).
Nia esplika, depois iha BEN Vital mak 92% nomos ba esensial mak 84% mak iha, depois iha 8%, tanba nee iha INFPM atualmente iha 84% stok disponível, no 16% mak stock out, nomos ba kategoria nesesáriu, stok disponível iha 70% no 30% mak stock out.
“Ita hotu hatene aimoruk sira nee mai rai iha armazen, depois aimoruk sira nee sai langsung ba ita nia rejiaun tolu Baucau, Airano no Maliana, neebe atu koalia koanba stok out nee wanhira kaundu rejiaun tolu nee ho INFPM laiha ona mak ita ba kategoria ba iha stock out, mais durante iha, ita bele halo maneja para sasan sira nee mai para ita uza fila-fali, ninia intensaun ida mak atu evita nia expare nee,” nia deklara.
INFPM husu komunikasaun entre rejiaun tolu nee tenke lao diak para aimoruk nee labele butuk iha fatin ida, depois fatin ida buka hela aimoruk.
“Tanba nee agora daudaun tuir ita nia stok nee stok normal,” nia koalia.
Antes nee Pasiente Munisipiu Ermera, Antonio Martinis informa, aimoruk iha Sentru Saude Ermera sufisiente, tanba nee pasiente mai halo tratamentu simu aimoruk neebe stok iha.
“Hau mear, inus metin no ulun moras, hau senti aimoruk iha Sentru Saude Ermera sufisiente ba ami moras sira,” nia afirma.
(ter)
